第一郡 (已搬遷) 新店位置

喺香港好難搵到一間我滿意嘅越南餐廳，但終於搵到一間好抵食而我又滿意嘅越南餐廳，就係呢一間越南人開，個環境係一間好普通嘅餐廳但就算乾淨，不過呢一間唯一嘅唔好就係冇越南牛肉湯河。今次我哋叫咗兩個正餐，一個小食，同埋每人一個椰青。蟹膏番茄湯檬$5X，好大碗有生菜有豆卜有越南扎肉同一大磚蟹膏，佢個湯酸度啱啱好，記得連蟹膏同啲面一齊食個味道好好。雞絲湯河 $5X，個湯味夠濃濃得黎唔鹹，冇味精，而且啲雞絲肉比我想像中多好多。越南春卷 $2x，個卷味道正常，有塊葉包住，配佢個沙嗲醬好好食。椰青 $28 一個，好甜總結來講，咁嘅價錢，呢間越南菜既質素意料之外，如果你經過都值得試吓。