麥文記麵家

营业中

休息中

都聽過麥文記嘅雲吞麵好出名，嗰晚經過白加士街，終於都有機會試吓喇！我地嗌咗兩碗牛筋麵，牛筋麵唔算大碗，但係個碗都幾深吓，有一個麵餅左右。啲麵爽口彈牙，牛筋好軟滑，感覺到有豐富嘅骨膠原。啲湯都幾清，我地都加咗少少辣醬落去，提升味道。辣辣地嘅感覺惹味好多，味道又提升到另一個層次。我地另外再加多個芥蘭，芥蘭都係熱辣辣的。原來要蠔油要加多一蚊，所以為咗唔好浪費咗碟蠔油，我都比平時點多咗嚟食。佢地嘅蠔油應該係自家製，色澤係淺啡色，有種淡淡嘅清香，同一般用開嘅李＿記黑色蠔油嘅質感完全唔同。至於有冇鮮蠔嘅味道，我就唔係好食得出，留返俾各位食家嚟品評喇！