莆田 (荃灣廣場)

营业中

休息中

來自新加坡嘅福建菜，裝修舒適闊落，菜式選擇多，屋企人都幾鍾意食呢間中菜～🔘跳跳魚撞豆腐期間限定嘅菜式，個湯呈奶白色，鮮甜魚湯又有薑味，好適合秋天飲，最初都擔心咁細條魚會唔會好腥同多骨，原來唔會㗎，肉質唔鞋而且條骨好明顯易拆骨，大約有八至九條跳跳魚，飲完湯可以慢慢食!!🔘傳統海蠣煎餐牌上面有兩款蠔餅，揀咗呢款冇咁熱氣嘅煎蛋餅，蠔仔脹卜卜幾乎鋪滿成個碟面，有唔少蔥粒增加口感，一啲都唔腥，蛋餅香得來唔油膩，係我是日最愛!! 🔘芋香鴨芋頭蓉包住鴨肉再拎去炸，手工菜唔係咁多地方食到，芋頭蓉軟綿綿有芋香，覺得佢先係主角，鴨肉只係配角!!🔘黃金荷葉包荷葉包酥脆得來夠鬆軟，有啲似上海菜嘅炸饅頭，好想用嚟點煉奶，自己切開個包再放啲肉絲洋蔥入去，肉絲易啖開都夠味道，麵包上嘅芝麻好香有加到分!!🔘家燒海帶苗叫個平時少食啲嘅菜，原來海帶苗都幾好味，爽滑嘅口感，覺得好有蒜蓉味加少少肉碎，好食!!🔘酥炸冰心榴槤愛榴槤嘅朋友必試，又冷又熱加上又脆又軟嘅口感，榴槤果香濃郁，較外面嘅榴槤雪糕係半溶狀態，加上最下面甜甜地嘅醬汁一齊食，非常好味，可惜朋友唔食榴槤，唯有獨食，一齊分享會更加開心!! 🔘冬瓜薏米水🔘牛油果汁兩款