影片
更多
2017-05-21
714 浏览
喜歡日本飲食文化的香港人, 相信大部份都聽過元朗鮨文的大名, 入元朗食對我來說過於路途遙遠, 找朋友陪食有點難度, 幸好最近鮨文己衝出元朗在黃埔開了新店, 太好了, 終於可以找到為食友一齊去品嚐佢地網路名物 >>>>>海膽杯。黃埔站出口過條馬路就到, 方便極了。三款 OMAKASE (廚師發辦), 價銀分別是 $1,000、$1,500 及$2,000, 今次我既目標非常明確……. 海膽杯, 先問服務員那個OMAKASE包海膽杯, $1500 OR $2,000 也有, 不過呢 $2,000 OMAKASE的海膽杯是用較頂級的日本大元海膽, 有BUDGET 既朋友可以吃豪啲, 而我這此 BUDGET EATER當然選 $1,500。食OMAKASE較喜歡坐 BAR 檯, 一來可以見證師父手藝, 二來可以跟師父及隔離左右食客打成一片, 氣氛比較輕鬆。師父忙著準備食材我則忙著跟朋友飲杯冰凍的梅酒撻著脾胃等美食今晚我地既靚仔OMAKASE師父 , 佢都係跟日本師父習廚, 日本師父出名嚴謹, 所謂嚴師出高徒, 呢個後生仔健啖又認真, 前途無限。芥未淮山
三款 OMAKASE (廚師發辦), 價銀分別是 $1,000、$1,500 及$2,000, 今次我既目標非常明確……. 海膽杯, 先問服務員那個OMAKASE包海膽杯, $1500 OR $2,000 也有, 不過呢 $2,000 OMAKASE的海膽杯是用較頂級的日本大元海膽, 有BUDGET 既朋友可以吃豪啲, 而我這此 BUDGET EATER當然選 $1,500。
食OMAKASE較喜歡坐 BAR 檯, 一來可以見證師父手藝, 二來可以跟師父及隔離左右食客打成一片, 氣氛比較輕鬆。
師父忙著準備食材
我則忙著跟朋友飲杯冰凍的梅酒撻著脾胃等美食
今晚我地既靚仔OMAKASE師父 , 佢都係跟日本師父習廚, 日本師父出名嚴謹, 所謂嚴師出高徒, 呢個後生仔健啖又認真, 前途無限。
芥未淮山漬 ~ 爽口微黏, 鮮芥未清辣不上鼻, 有益健康的過場小吃。
千五大元OMAKASE有咩食……期待己久了
黑松露鵝肝茶碗蒸
黑松露清香, 鵝肝香濃幼滑, 還有鮮味的帶子, 口感極之豐富的蒸蛋。
魚籽醬白子
白子是什麼? 我也是今晚向師父八完才知, 今晚的白子是鯛魚的精巢, 用熱水拖熟除異味, 白雪雪, 幼滑無比, 以鹹香的魚籽醬及清新不霸道的芽蒽提味, 好食。
螢光魷魚
以三杯醋及薑蓉伴食 , 醋香及豉香兼備, 完全唔腥, BB魷魚滑嘟嘟, 帶黏感又爽口, 口感獨特。
芥末也是師父用完即磨的
櫻煮八爪魚
咁大個女未食過咁腍滑既八爪魚, 細問之下, 原來係經過3日2夜的慢煮時光, 醬油深入八爪魚的心, 浸得色澤像櫻花, 故取名櫻煮八爪魚, 味道腍甜帶淡淡的豉香, 相信甜味應該來自日本味醂。
網燒平靜魚
現在是平靜魚的肥美季節, 網燒讓魚肉有煙燻油香, 鮮甜爽口, 彈牙到不得了。
雜菜拼
雪芝芽 ~ 微苦, 我鐘意食苦瓜, 但雪芝芽的苦怪怪地, 個人DON’T LIKE。
春菊 ~ 即我地平時食的黃帝菜, 夾雜醬油及鰹魚煙燻香氣, 非常脆口惹味。
蘆荀子 ~ 咁後生…..一定嫩口吧。
鱚魚壽司
鱚魚肉軟滑鮮口, 壽司飯用昆布夾了一小時, 飯團吸收了昆布的清香, 心機之作。
黑松露深海池魚壽司
深海池魚厚爽肉實, 黑松露用上靚貨, 勁憂香, 配上鮨文赤醋壽司飯, 滿口醋香、魚香、及松露香, 滋味滿分。
生猛北寄貝壽司
厚切, 廚師用力將赤貝拍打, 令肉質更結實爽脆, 極之鮮甜。
网燒金目鯛壽司
日本人最愛吃的鯛魚品種, 魚肉嫩紅, 高油份品種, 肉質爽脆甜美, 网燒迫出魚油, 令魚肉帶點淡雅的煙燻香味。
醬油漬三文魚子壽司
三文魚子是師父自家漬, 唔鹹微甜, 粒粒圓潤, 飽滿透亮, 入口爆脆, 鮮口不腥。
大拖羅壽司
掃了自家浸蒜豉油, 香而不搶味, 大拖羅高脂肪比例, 口感油香軟化。
海鰻壽司
BB海鰻掃上香濃的自家制鰻魚汁, 佢地用鰻魚骨等材料烠制的鰻魚汁濃鮮香甜, 再撤上少許生椒, 令海鰻惹味非常, BB海鰻肉比平時吃的燒鰻魚脂肪較少, 肉質偏結實爽甜。
一板北海道赤馬糞海膽唔知可以做幾多個海膽杯呢?
甜蝦海膽杯
我地今晚既目標食物終於出場, 一個海膽杯用上半板北海道赤馬糞海膽, 成座山咁高既馬糞海膽, 為食女司機還是第一次食得咁豪氣, 美得像藝術品, 睇見都流口水, 再咁食法, 睇怕要按埋我部倫敦的士填氹了。
馬糞海膽真係無得輸, 亮澤深黃, 一匙一匙放入口, 幼滑細緻, 鮮甜無比, 份量之多……食極還有, 以前食海膽都係遂少遂少食, 嗒真啲味道, 今晚則豪情地一匙一匙地嗒其真味, 好爽, 人生真係耐唔時要豪一次比自己。
魷魚鬚手卷
紫菜勁脆口, 師父話佢地用日本的頂級貨色, 成本都要成 $20 一 塊, 肯落本, 有誠意。
魚湯
食左咁多生冷野, 熱滕滕的魚湯為今晚的OMAKASE劃上完美的句號, 魚湯由時令魚的魚頭、魚尾及魚骨等烠成, 膠質極重, 徵奶白色, 啖啖鮮甜。
甜品 : 靜江赤玉蜜瓜
噴上威士忌帶出蜜瓜的潛在甜力, 其實食落又唔覺有酒味, 可能被蜜瓜的香及甜掩蓋了。
越來越愛OMAKASE, 今晚除咗師傅手藝出色, 食材了得外,仲認識咗坐隔離的靚仔公子, 佢特登揸車載爸爸來食, 怕怕醜醜, 既靚仔又孝順, 我跟女友人整晚不斷逗他, 很可愛的後生仔, 為我地今晚添了不少生氣及歡笑, 師父及食客打成一片, 輕輕鬆鬆食一餐, 相信只有OMAKASE, 多謝師父請我食了少許名貴貨式, 極度美味。
张贴
