影片
更多
2024-02-02
19 浏览
今日同好耐冇見既朋友慶祝生日，我地兩個工作都好忙，覺得要食好啲慰勞下自己呢度仲可以睇到師傅點樣預備食材，同埋煮食嘅經過，成件事好賞心悅目！我簡左個三日月一人前鐵板餐（$798）✅前菜三小點加沙律好清新既前菜，尤其係沙律既奇異果，清甜多汁，另外豆腐都好香滑，簡簡單單嘅莧菜，已經品嚐到食材嘅鮮美✅鐵板燒北海道帆立貝配鐵板燒日本野菜帆立貝煎得啱啱好，外層喺微微嘅焦黃，帆立貝既口感仲好鮮嫩彈牙，下面係燒得香甜多汁既波菜，令到帆立貝嘅味道更加惹味👍🏻✅茶碗蒸熱辣辣，好重嘅蛋香，口感都好滑，入邊仲有大大粒嘅魚子✅深海野生白鱈魚/帝王虎蝦二選一我簡左帝王虎蝦，賣相真係好值得一讚，起晒肉之餘，仲用蝦頭蝦尾做裝飾，最驚喜嘅係蝦頭蝦腳，蝦頭有蝦膏，蝦腳經過高溫嘅煎炸變得香脆可口，可以食埋添😍👍🏻 另外個汁都超級惹味，超濃郁嘅蝦香，真係啖啖都令人回味✅紐西蘭肉眼扒/鹿兒島黑毛豬肩/鹿兒島薩摩赤雞（三選一）我簡左紐西蘭肉眼扒同朋友share,朋友再同我share 和牛卷，所以變咗有兩款牛肉，配搭蓮藕片、冬菇、蘆筍、南瓜等蔬菜，仲有椒鹽、炸蒜片、燒汁、麻汁等醬汁，非常講究，肉眼扒煎七成熟，岩岩好，仲係好香軟多汁
呢度仲可以睇到師傅點樣預備食材，同埋煮食嘅經過，成件事好賞心悅目！
我簡左個三日月一人前鐵板餐（$798）
✅前菜三小點加沙律
好清新既前菜，尤其係沙律既奇異果，清甜多汁，另外豆腐都好香滑，簡簡單單嘅莧菜，已經品嚐到食材嘅鮮美
✅鐵板燒北海道帆立貝配鐵板燒日本野菜
帆立貝煎得啱啱好，外層喺微微嘅焦黃，帆立貝既口感仲好鮮嫩彈牙，下面係燒得香甜多汁既波菜，令到帆立貝嘅味道更加惹味👍🏻
✅茶碗蒸
熱辣辣，好重嘅蛋香，口感都好滑，入邊仲有大大粒嘅魚子
✅深海野生白鱈魚/帝王虎蝦二選一
我簡左帝王虎蝦，賣相真係好值得一讚，起晒肉之餘，仲用蝦頭蝦尾做裝飾，最驚喜嘅係蝦頭蝦腳，蝦頭有蝦膏，蝦腳經過高溫嘅煎炸變得香脆可口，可以食埋添😍👍🏻 另外個汁都超級惹味，超濃郁嘅蝦香，真係啖啖都令人回味
✅紐西蘭肉眼扒/鹿兒島黑毛豬肩/鹿兒島薩摩赤雞（三選一）
我簡左紐西蘭肉眼扒同朋友share,朋友再同我share 和牛卷，所以變咗有兩款牛肉，配搭蓮藕片、冬菇、蘆筍、南瓜等蔬菜，仲有椒鹽、炸蒜片、燒汁、麻汁等醬汁，非常講究，肉眼扒煎七成熟，岩岩好，仲係好香軟多汁，牛味濃郁🥰🥰
✅鐵板炒飯
最後仲有個櫻花蝦炒飯，配搭魚高湯同味噌湯，可以先食一半炒飯，炒飯炒得相當乾身，但唔會有油，配搭淡淡嘅海鮮香，好惹味，食淨一半就加高湯，增添了茶香，別有一番味道
✅甜品
順便同朋友慶祝生日，知道朋友鍾意Mario,特意要求餐廳加上圖案，整得超靚，主角嘅咖啡蛋糕都味道濃郁，加埋香甜嘅奇異果，朋友相當開心
张贴
