影片
更多
2023-09-07
210 浏览
真係唔係講笑，呢間餐廳無論係環境、服務定係嘢食都好出色！餐廳環境好精緻舒適，有一大片落地玻璃可以見到黃昏海景，但因為入座時間尚早，吧枱位置仲有位，我就坐咗喺嗰邊，望住Bartender調酒，超級有feel🥰！餐廳係由酒店級名廚主理多款以東南亞為主題嘅Fusion菜色，我今次嗌嘅全部都超好味😋！等我下次早啲book可以坐佢個室外花園先（可睇到晒成個維港嘅景色😍）！🌕 Tom Yum Coconut Scallop Carpaccio呢個前菜真係冇得頂，用咗無比嫩滑嘅北海道帶子刺身配特製嘅椰子冬陰功醬，將帶子嘅鮮甜帶得更加出，呢個配搭好食到完全停唔到口😩🥰👍🏻🌕 Grilled Gai Yang Chicken呢個泰式烤雞比起其他喺出面食嘅燒春雞，佢有好重嘅東南亞香料味，食起身別有一番風味！雞肉醃製得好入味，唔會好鞋口，仲配咗兩塊烤餅（我點住石斑魚嘅雞湯食超好食！）同好多其他蔬菜，好正😝🌕 Crispy Fried Fresh Red Grouper with Tom Kha Kai呢個係全晚我最鍾意嘅dish！講咗10萬次好好食😂 佢將新鮮嘅紅石斑魚嘅魚皮燒到脆卜卜，但魚肉就煮到好嫩滑，
真係唔係講笑，呢間餐廳無論係環境、服務定係嘢食都好出色！餐廳環境好精緻舒適，有一大片落地玻璃可以見到黃昏海景，但因為入座時間尚早，吧枱位置仲有位，我就坐咗喺嗰邊，望住Bartender調酒，超級有feel🥰！餐廳係由酒店級名廚主理多款以東南亞為主題嘅Fusion菜色，我今次嗌嘅全部都超好味😋！等我下次早啲book可以坐佢個室外花園先（可睇到晒成個維港嘅景色😍）！
🌕 Tom Yum Coconut Scallop Carpaccio
呢個前菜真係冇得頂，用咗無比嫩滑嘅北海道帶子刺身配特製嘅椰子冬陰功醬，將帶子嘅鮮甜帶得更加出，呢個配搭好食到完全停唔到口😩🥰👍🏻
🌕 Grilled Gai Yang Chicken
呢個泰式烤雞比起其他喺出面食嘅燒春雞，佢有好重嘅東南亞香料味，食起身別有一番風味！雞肉醃製得好入味，唔會好鞋口，仲配咗兩塊烤餅（我點住石斑魚嘅雞湯食超好食！）同好多其他蔬菜，好正😝
🌕 Crispy Fried Fresh Red Grouper with Tom Kha Kai
呢個係全晚我最鍾意嘅dish！講咗10萬次好好食😂 佢將新鮮嘅紅石斑魚嘅魚皮燒到脆卜卜，但魚肉就煮到好嫩滑，真正做 脆內軟！重點係佢個泰式椰汁南薑雞湯入面仲有蘑菇粒，好味到我一羹一羹咁樣飲晒🥲👏🏻
🌕 Life Sucks, Let's Get Drunk!
呢杯cocktail 係用Rum做底，飲落有果香同椰子香，好岩女仔飲☺️
🌖 I Need To Keep Fit!
呢杯都係Rum做底，但加入左蘋果Yogurt 同青瓜汁，飲落幾fresh，feel到好健康😂
📍 KABOOM
尖沙咀北京道12A號太子集團中心20樓
🧧 人均消費：$500
6 浏览
0 赞好
0 留言
张贴
