火土燒肉

上個weekend終於去到呢間bookmark咗好耐嘅火土燒肉，入面環境超靚，每個角落都充滿咗露營嘅元素😍 鍾意打卡嘅朋友仔就啱哂，而食物質素都幾唔錯，特別推薦一樣令我意想不到好食嘅item，快啲睇埋落去😜🔸 燒肉拼盤 $378呢個拼盤都有唔少種類嘅肉😋 包括牛肋肉、牛舌、牛胸腹、豚助條、豚五花、雞腿肉，當中最鍾意係牛胸腹同豚五花，前者食落肉汁爆發，而且肉質夠軟腍；後者油脂滿滿，食落勁重油香，而且口感爽彈，好唔錯！🔸 椰菜火山胡麻沙律 $48份量滿滿嘅椰菜沙律可以喺食燒肉食到膩嗰陣清清口腔，而且椰菜切到好細，進食好方便，味道正正常常。🔸 明太子蟹棒 $58蟹棒切到大大粒，面頭沾滿咗明太子沙律醬，蟹棒本身係熟嘅，所以只需燒返熱佢就食得，入口啖啖肉，仲有明太子嘅香味，正！🔸 味噌蟹肉甲羅燒 $88甲羅燒通常都係我嘅必點item之一，佢呢度蟹膏嘅份量都好多下，蟹膏食落口好甘香！另外我哋仲叫咗個飯嚟撈，蟹膏撈飯食真係冇得輸🤤🔸 玉子海苔飯 $28呢個就係上面講嘅飯啦🤣 超大碗，面頭鋪上滿滿嘅紫菜，仲加咗隻生雞蛋添，不過撈埋一齊食啲紫菜就會腍咗啲，不過我志在用嚟撈蟹膏食，所以都好滿足😌🔸 月見醬