Rosie

营业中

休息中

今晚同閨密去咗鰂魚涌一間隱世嘅咖啡店，裝修走度假風簡潔風格，木系燈好休閒，我哋兩個一坐低就瘋狂影相打卡！頭盤嗌咗「牛油炸雞翼」，咬落去「咔嚓」一聲，香脆美味，仲有陣好邪惡嘅牛油香～跟住上嘅「慢煮雞胸肉」顛覆晒我認知，一啲都唔「鞋」，肉質嫩到好易入口，面頭灑咗啲柚子胡椒，清新得嚟又帶少少辛辣，好過癮！ 主菜個「龍蝦濃湯蟹肉帶子麵」簡直係海洋嘅交響樂！湯底濃到掛住每條麵，飲得出係一個好美味嘅龍蝦湯，仲有絲絲蟹肉同煎到微焦嘅帶子。至於個「鵝肝青檸貓耳朵」就玩味十足，鵝肝配埋貓耳朵粉，美味嘅鵝肝配上好開胃嘅貓耳朵煙煙韌韌好好食！西柚梳打超美味見到好多甜品都好美味邪惡，下次真係可以過嚟下午茶！