影片
营业时间
今日营业
12:00 - 21:00
星期一至日
12:00 - 21:00
以上资料只供参考，请与餐厅确认详情
影片
相片
香草牛油封门牛肉汁意粉
+756
Dirty
+30
食家推介
好开心，Rosie开到嚟鲗鱼涌，令到太古坊返工嘅我，放工都可以叹靓靓意粉同嘢饮。Rosie喺葵芳已经好受欢迎，佢系以平民价钱食高档意粉闻名，设计同出品都好特别，同一般连锁意粉店唔同。不过我知道，饮品系佢另一个秘密武器…蓝水母 $68用上蝶豆花、鲜奶同咖啡造成嘅超现实饮品。一层层嘅颜色化开，影相真系一流。最重要系饮落相当唔错，唔会好甜，咖啡味亦足够。朱古力鲜奶 $48另一杯强力饮品，朱古力上面铺满朱古力粉同白朱古力，比一般拉花嘅咖啡更靓仔。饮落热辣辣嘅鲜奶同朱古力，喺冬天真系会令人舒服好多。龙虾浓汤蟹肉带子面 $198呢度嘅名物。与其话系汁意粉，不如话系用浓味嘅龙虾汤做汤底，再放一个墨鱼意粉同蟹肉带子上上面。咁样讲系因为龙虾汤本身已经又多又够味，系可以就咁饮。衬埋味道相近嘅蟹肉同带子，其实一定系好食。辣芝士酱明虾扁意粉 $138如果话龙虾汤已经够晒浓味，咁呢个辣芝士酱就系超浓味。辣度唔算好高，但食落系会感觉到，芝士酱浓厚之余系非常多，钟意重味人士真系啱晒。朱古力心太软配开心果意式手工雪糕 $88咁嘅组合，唔使形容之好食啩？但佢仲有啲仪式感，会拉起个包装等啲开心果忌廉跌落嚟。开心果雪糕算系几有味道，加上粒粒嘅开心果，比云呢拿味会更丰富。心太软就正常发挥了。可以收工喺附近食个靓意粉，饮靓嘢饮，喺咁舒服嘅环境同朋友倾吓偈，都可以缓和一下返工嘅压力😌。
继续阅读
一入到去环境已经好吸引~既舒服又优雅☺️质素同摆盘一样咁精致~•✨香草牛油封门牛肉汁意粉 $196牛肉上面放咗块邪恶嘅香草牛油🤩然后店员会喺你面前将牛油烧到全部溶晒，真系好吸引!好治愈!食落去有淡淡既牛油味,但唔会太腻•✨ 双层鹅肝松露香菇意大利饭 $228一放上枱已经闻到好香嘅松露味，啱晒松露fans嘅我🙌🏻鹅肝好厚，一咬落去d油脂味出晒嚟😍口感好丰富•✨ 蒜香鸡翼 $98炸得都几香，正常嘅蒜香鸡翼~•✨ 蓝水母 $68蝶豆花嘅饮品真系好靓，一路搅匀一路转色真系好治愈🤭•✨ 焦糖咖啡 $60甜甜嘅焦糖，但系又唔会太浓未食晒饭我已经饮晒成杯啦😌•整体我都比呢间餐厅几高分🤩夜晚放工嚟食都可以~而且平民嘅价钱就可以食到高质嘅意粉🙌🏻
继续阅读
今晚同闺密去咗鲗鱼涌一间隐世嘅咖啡店，装修走度假风简洁风格，木系灯好休闲，我哋两个一坐低就疯狂影相打卡！头盘嗌咗「牛油炸鸡翼」，咬落去「咔嚓」一声，香脆美味，仲有阵好邪恶嘅牛油香～跟住上嘅「慢煮鸡胸肉」颠覆晒我认知，一啲都唔「鞋」，肉质嫩到好易入口，面头洒咗啲柚子胡椒，清新得嚟又带少少辛辣，好过瘾！ 主菜个「龙虾浓汤蟹肉带子面」简直系海洋嘅交响乐！汤底浓到挂住每条面，饮得出系一个好美味嘅龙虾汤，仲有丝丝蟹肉同煎到微焦嘅带子。至于个「鹅肝青柠猫耳朵」就玩味十足，鹅肝配埋猫耳朵粉，美味嘅鹅肝配上好开胃嘅猫耳朵烟烟韧韧好好食！西柚梳打超美味见到好多甜品都好美味邪恶，下次真系可以过嚟下午茶！
继续阅读
有间文青木系的装潢设计配上奶白色墙身正式进驻鲗鱼涌， 听朋友介绍原本有葵芳总店，今次新分店同样有时尚简约风，主打白色墙身配浅木家私，舒服写意！亲民价钱就可以食到高质意大利pasta，有别于一般连锁店意粉店💕双层鹅肝松露香菇意大利饭💓有惊喜， 双层鹅肝足足两大块，煎到外脆内嫩而且油香四溢，有高级法式感觉 ，软滑鹅肝配上啖啖松露香菇粒粒饭都满有香味扑鼻！香浓芝士卡邦尼亚扁意粉用上宽身扁意粉，啖啖有厚厚忌廉芝士汁美味可口，烟肉煎到微脆带咸香，份量丰富！我一边品尝美食一边品尝紫薯奶昔☕️好写意👍
继续阅读
正式进驻鲗鱼涌！新分店延续葵芳总店的温暖简约风，主打白色墙身配浅木家私，阳光透入，随手一影都好有小森林感～餐厅以自家甜品最为出名，特别是爆浆心太软＋手工雪糕combo直接封神！同时主食诚意满满，鹅肝、松露、芝士样样高质，真系甜咸通杀，无论打卡定约会都啱晒！#mochicouple_hk美食团⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣ 朱古力心太软配开心果意式手工雪糕($88)好有仪式感！一拎起胶筒🤓啲奶盖似瀑布咁流落去😝而心太软😉一切开就爆浆～朱古力流心滑到唔想停手，甜度啱啱好，带点微微苦味更显层次感🤩配上自家制嘅开心果意式雪糕☺️坚持唔落人工香精😇creamy又唔腻，冷热交融真系太幸福了～打卡一流，食落更系幸福感满满！甜品控必试！😍2️⃣鹅肝松露香菇意大利饭($228)第一口就闻到扑鼻松露香😗creamy得嚟唔会漏😊香菇爽口juicy☺️完全吸收晒汁香～重头戏系两旧大鹅肝😊煎到外脆内嫩😗油香四溢，食落有种法国fine dining感觉！☺️打破你对café主食嘅想像，超有惊喜！3️⃣香浓芝士卡邦尼亚扁意粉($128)用上宽身扁意粉，挂汁力满分😊每条都沾满厚厚忌廉芝士汁～烟肉煎到微脆带咸香😉加上黑胡椒平衡味道😇食到最后都唔觉腻。份量十足，适合两个人share，太邪恶啦！完全系comfort food代表！😊4️⃣抹茶鲜奶($48)静静地飘出抹茶清香😗入口唔苦唔涩，茶味厚实，搭配顺滑鲜奶，好有层次感～拉花打卡一流😆5️⃣蜂蜜水蜜桃果茶（热）($45)闻到阵阵蜜桃香～用上真材实料蜜桃果肉，配搭淡淡蜂蜜香，饮落唔会太甜，口感温润顺喉😋店员劲好service!饮完一壶🤓仲会问我哋洗唔洗再添加！⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 🌟想知道更多美食🤪记得follow@mochicouple_hk啦😍🎉📸📍鲗鱼涌海堤街6-16号龙景大厦地下1号舖🚇 鲗鱼涌站A出口，步行约3分钟🕒 Mon -Sun:12:00-21:00#鲗鱼涌美食#鲗鱼涌cafe#鲗鱼涌好去处#香港美食#香港cafe#cafehk#hkcafe#香港好去处#香港必食#hkfoodie#foodiehk#cafe推介#鲗鱼涌必食
继续阅读