菊月町 (已搬遷) 新店位置

今日同朋友慶祝生日，就訂咗呢間試試。一入到舖頭,啲員工都好好禮貌同細心安排我地坐位。環境okay, 同平時既Omakase好唔同，又係另一番感覺。值得提一提就係佢地打俾我confirm booking既時候已經預先問我地有冇邊位有冇特別野唔食次類，所以成餐飯我地係覺得幾貼心同細心。我係用左手揸筷子，個師傅好細心咁留意到，就特別將所有食物反方向擺方便番我，呢樣真係超級讚呀！我食咁多次Omakase係未遇過👍🏻👍🏻👍🏻食物方面，我都幾鍾意佢地呢種兩食Omakase（刺身加鐵板燒），有生食同熟食，喺出面好少有兩食。食材款式都好新鮮好特別👍🏻師傅好細心同有誠意！食左好多款野，味道👍🏻，有啲款式都幾有驚喜！成餐飯都好正！其他食客都因為呢度啲師傅既親切，食食下個個都全部齊齊傾計，好似一班人包左場咁😂仲一齊唱生日歌一齊慶祝一齊食蛋糕🎂😂下次一定會再黎！