影片
港铁牛头角站 B6 出口, 步行约4分钟
继续阅读
电话号码
65885354
营业时间
今日营业
全日休息
星期一至六
12:00 - 15:00
18:30 - 22:30
星期日
全日休息
公众假期
12:00 - 15:00
18:30 - 22:30
公众假期前夕
12:00 - 15:00
18:30 - 22:30
以上资料只供参考，请与餐厅确认详情
有关奖赏计划
之前去日本旅行唔够时间食Omakasa,有朋友介绍我嚟位于观塘的菊月町！入到去装修真系好精致！分享少少食咗咩先～先付：兰王鸡蛋三文鱼子～咸香鲜甜开心～仲有好似一幅画咁样嘅前菜大家嚟睇吓啦～最震撼眼球：岩手县原只紫海胆（季节性）加咗啲蕃茄做嘅啫喱～仲有帆立贝金箔鱼子酱～好大只好新鲜好正✅池鱼他他都好好食✅师傅添加咗麻酱调一调口味～之后系有吸引眼球嘅烟熏拖罗💕烟熏陀螺同大拖罗，沙甸鱼鱼干再加埋紫苏叶紫菜夹在一起吃～好好食呀！然后，水果蕃茄配山药蓉加埋土佐豆腐✨清一清个口!跟住就系一轮熟食：✨章红鱼配法国汁✨萤光鱿鱼天妇罗✨北海道嘅魔鬼鱼面珠墩肉 ，呢道菜好特别！肉质似鸡肉里面有少少软骨！然后就系师傅亲手即场制手握寿司✨（欣赏旁边大根渍蒜头渍牛蒡渍～）💫赤贝💫蜜柑雕鱼，即系用蜜柑做饲料，所以会有少少蜜柑香💫来自北海道鲈鱼，轻轻用火枪烧过面头令食落去更加香，加埋少少尖椒酱令味道更加提升💫日本版平贝比香港版见到嘅更加大只贝烘过嘅日本乌鱼子（日本名叫唐墨）💫鹿儿岛𫚕鱼，即系野生嘅油甘鱼💫吞拿鱼颅顶肉鱼蓉+马粪海胆，加上少少雪盐比一般盐冇咁咸最后系甜品：江户前蛋糕蛋宫崎蜜瓜抹茶蕨饼晚餐都系开心快乐好享受由于𠮶啲食材系冇乜特别见过，所以都好惊喜！加上装修一啲都唔Hea，值得推荐比大家💕
继续阅读
朋友话观塘有间高质日式料理餐厅，除咗厨师发办Omakase，仲有铁板烧，一于去试吓先😋位置喺鸿图道工厦区，估唔到入到去好有日本feel，一大张吧枱，一边铁板烧，另一边刺身寿司区，同时照顾到唔同食客嘅需要，而客人同时欣赏厨师制造成个过程😍厨师会介绍每道时令食材，加深对食材嘅认识，再慢慢细味厨师发办嘅精髓～当中最印象深刻系🦀香箱蟹盖🦀只限复活节限定满满蟹卵、蟹膏同蟹肉酿返入蟹盖，啖啖浓郁蟹味。🐟拖罗🐟大拖罗同中拖罗经烟熏后，再夹紫苏叶，炸香沙甸鱼仔，紫菜，多种层次夹埋一齐食，味道升华。🍷海胆寿司杯🍷特别将肥美吞拿鱼腩🔥烧，将鱼油滴入寿司饭当中，液态omega 3，混入吞拿鱼粒，北海道马粪海胆，寿司饭充满鱼油香气。🐙北海道八爪鱼🐙八爪鱼去衣切片配酸醋jelly，估唔到原来质地好爽，一D都唔韧。仲有好多精挑细选嘅新鲜食材，🦀宫崎炸蟹仔，🦪岩手県雪解蚝，🐚爱知県象拔蚌，🐟野生油甘鱼，🐠鲷鱼精子，汁煮魔鬼鱼面肉，🦑天妇罗萤光鱿鱼， 🐚岩手県北寄贝🍣，左口鱼裙边🍣，九洲鲭鱼🍣，北海道草虾+虾膏🍣，鸟取県沙甸鱼🍣，🐷铁板烧黑毛猪，🫕鱼汤，🍈哈蜜瓜，🍡蕨饼…一场非常丰富嘅厨师发办👨🍳，一试难忘。烁雨$1480 (共23品)先付季节刺身铁板烧季节料理手握寿司云丹盛吸物时令果物
继续阅读
如果你想食下高质又抵食嘅日式铁板烧，呢间隐藏于观塘工业区附近嘅日式餐厅「菊月町」真系值得你专登为佢过黎。餐厅晚市提供「匠人料理」铁板餐，包埋牛扒/猪扒，有9道菜再加雪糕，加埋一都只不过系5百蚊左右，超抵食，重点系好高质。可以坐日式bar枱，大厨系你面前即煮即食，食物新鲜而且大厨系配菜高手，我第一次食铁板烧系食晒啲配菜，非常之值得一试！前菜一啲都唔马虎，有一大盘新鲜沙律同烤银雪鱼同鱿鱼仔干，仲有个好滑嘅蒸蛋，赞！「广岛蚝」配葱花炒樱花虾同烟肉，呢道菜配菜多好花功夫，见住大厨忙碌左好一阵先搞掂，味道当然系冇得输。再黎一客「银鳕鱼」，呢个我今晚最爱，鱼肉超滑又鲜甜，最特别仲有个烤鱼皮，超爱！原只虎虾，真系大大只虎虾即场分解成头同虾肉，经大厨精心制作，配上特值虾膏，真系连个虾头都食埋！肉方面我地拣左「美国安格斯薄烧」同「美国安格斯厚烧」，薄烧同厚烧嘅分别系薄烧仲会中间包住配菜，薄烧平啲但一样咁好味呢。食完仲有个超靓嘅炒饭同炒杂菜加汤，个饭已经特登叫师父减一半，都仲系好大一碗，食完真系超饱。呢个价钱食咁多野都系第一次！
继续阅读
最近喺观塘发现一间高质Omakase，$1480就可以食足23品，而且食材新鲜，师傅功架十足，绝对系性价比之选！餐厅系观塘同牛头角交界，装修华丽日式风格，墙上挂住日本传统画作，增添几分艺术气息。吧枱采用高级木材打造，质感细腻，可以近距离欣赏师傅处理食物嘅精湛技艺。师傅经验丰富，会细心讲解每一道菜嘅特色同食法，令人印象深刻。23品料理包括前菜、季节刺身、铁板烧，季节料理，手握寿司、云丹盛，汤品同甜品，食材全部由日本直送，新鲜度满分。刺身方面，有大拖罗、中拖罗，生蚝，北海道毛蟹，全部入口鲜甜，比较特别有鳗鱼苗，外型似河粉，几鲜味。寿司方面，师傅会根据当日食材即场创作，醋饭温度适中，鱼生同饭嘅比例恰到好处，令人回味无穷。特别推介以下几道菜：刺身：大拖罗同中拖罗先用苹果木烟熏，再用紫菜，紫苏叶，鱼脆片夹住一齐食。拖罗油脂分布均匀，入口即化，令人回味无穷👍🏻云丹盛: 师傅用呑拿鱼皮烧出鱼油，滴落寿司饭上，再加上鲜甜浓郁马粪海胆，口感层次丰富，满咀鱼油香。⭐️总括而言，呢间Omakase无论系食材、味道、服务定环境都令人满意，$1480食足23品，绝对物超所值！如果你系Omakase爱好者，或者想揾间高质餐厅庆祝特别日子，呢间餐厅绝对值得一试！
继续阅读
位于观塘的日本料理餐厅「菊月町」，主打席前铁板烧和Omasake，开业以来一直人气满满，之前已经试过佢哋嘅Omasake，觉得非常高质又抵食，今日特登和友人前来试佢哋嘅铁板烧，而且依家仲有推广活动，唔使 $500已经可以食到12品铁板烧套餐，真心超级抵食👍👍我们分别点了两个铁板烧套餐，可以自选不同肉类，我哋拣咗美国安格厚烧和薄烧，其他食材就一样，睇住师傅席前烹调，师傅工架十足，一个人掌控10多人的铁板烧，真的不容易👍▪️前菜🌟鱿鱼和鳕鱼鱼干香口又惹味，沾上沙律酱更加滋味🌟新鲜沙律配上酸醋汁，清新又好味，胃口瞬间打开▪️茶碗蒸蒸蛋超级香滑，而且内里有大量蚬肉，味道除了充满蛋香之外非常鲜味▪️广岛蚝广岛蚝肥美饱满，煎香之后外层焦脆，内里Creamy充满蚝香，配上煎得香口的烟肉，够晒惹味▪️银鳕鱼银鳕鱼师傅使用分开皮和肉煎嘅煎嘅方法，令到鱼皮犹如薯片般香脆，鱼肉鲜嫩多汁啖啖肉，沾上菇菌酱更加有风味▪️原只虎虾虎虾超级巨型，分别分开虾头、虾脚和虾肉部份煎香，全部都可以食得，头和脚的部份够晒香脆，虾肉意想不到份量十足，爽口又弹牙，沾上虾头膏酱汁，香浓美味▪️美国安格斯薄烧 $ 438牛肉脂肪比例适中，包住香蒜和香葱，烧至大约五成熟，口感软嫩又多汁▪️时令铁板配菜蔬菜有番薯、冬菇和蔬菜，师傅只加了海盐和黑椒调味，味道天然，配合牛肉食就一流▪️美国安格斯厚烧 $ 538厚烧更加能食到牛油脂香，五成熟外焦内嫩，中间肉质部份呈粉嫩状态，简单沾上海盐，食出牛肉的原汁原味▪️炒饭和汤铁板烧每次我都最期待嘅炒饭，师傅用和牛肉、牛脂肪、鸡蛋和香葱，炒至香饭粒粒分明，香味四射超好食，配上面豉汤，温暖又饱肚▪️炒杂菜食炒饭怎能没有蔬菜配合，蔬菜好清甜，炒得清新爽脆，好食▪️甜品精致的豆沙红豆烧饼热辣辣，配上新鲜水果干和忌廉，味道唔太甜味道，这一餐非常完美
继续阅读
您可能会有兴趣的...