影片
更多
2019-02-10
258 浏览
今日同男友去尖沙咀整完特區護照就打算搵間餐廳食個lunch，咁岩見到呢間永年大排長龍，所以走過去八卦下，原來係食車仔麵，完全岩晒男友口味，二話不說就決定食呢間！呢度係自助形式，要自己排隊買飛，自己搵位同取餐！雖然要排隊買飛，但計埋取餐大概都只需要十幾分鐘，非常有效率！男友揀左三餸麵$41+$2（河粉）=$43，佢揀左雞翼，牛筋，紅腸，辣度要左小辣！雞翼夠大隻，肉質嫰滑。牛筋夠淋身。紅腸好大塊又多！男友話啲辣醬汁好正，岩晒唔食得太辣既人！而有選擇困難症既我當然揀“大碗麵”喇！大碗麵$65，有紅腸，雞翼，豬紅，豬皮，白蘿蔔，菜芯，魷魚，豬腸，雞翼尖，魚蛋，份量十足！白蘿蔔夠甜又冇渣，豬腸滷得好入味，魷魚又唔會韌，豬皮爽口，魚蛋係陳皮魚蛋有咬口，豬紅入口即溶！最重要個湯好飲，完全唔需要再外加任何調味，岩晒完全唔食辣既我！蠔油生菜$20，生菜顏色翠綠，賣相好靚！菠蘿冰，跟麵+$15，唔好以為多冰就會冇乜味，其實好重菠蘿味，仲有菠蘿肉係入面添！樽裝奶茶，跟麵+$17，見到個樣都唔抱太大期望會好好飲，但飲左之後覺得超好飲，茶味夠濃，奶又夠滑，茶同奶比例岩岩好！永年士多車
呢度係自助形式，要自己排隊買飛，自己搵位同取餐！雖然要排隊買飛，但計埋取餐大概都只需要十幾分鐘，非常有效率！
男友揀左三餸麵$41+$2（河粉）=$43，佢揀左雞翼，牛筋，紅腸，辣度要左小辣！雞翼夠大隻，肉質嫰滑。牛筋夠淋身。紅腸好大塊又多！男友話啲辣醬汁好正，岩晒唔食得太辣既人！
而有選擇困難症既我當然揀“大碗麵”喇！大碗麵$65，有紅腸，雞翼，豬紅，豬皮，白蘿蔔，菜芯，魷魚，豬腸，雞翼尖，魚蛋，份量十足！白蘿蔔夠甜又冇渣，豬腸滷得好入味，魷魚又唔會韌，豬皮爽口，魚蛋係陳皮魚蛋有咬口，豬紅入口即溶！最重要個湯好飲，完全唔需要再外加任何調味，岩晒完全唔食辣既我！
蠔油生菜$20，生菜顏色翠綠，賣相好靚！
菠蘿冰，跟麵+$15，唔好以為多冰就會冇乜味，其實好重菠蘿味，仲有菠蘿肉係入面添！
樽裝奶茶，跟麵+$17，見到個樣都唔抱太大期望會好好飲，但飲左之後覺得超好飲，茶味夠濃，奶又夠滑，茶同奶比例岩岩好！
永年士多車仔麵無論餸定麵都份量十足！飲品味道令人滿意！總之今餐我男友大讚好食，仲話下次去尖沙咀一定要再食添！
🍽7/10
🔎 永年士多 (尖沙咀)
尖沙咀加拿分道46號地下7-8號舖
张贴
