稚

营业中

休息中

朗屏西铁站下面行远啲，有间专食日式食品嘅食店，成日都听到佢个名，觉得好特别，今次终于第一次食到，觉得好高质！都几多食物嘅选择，样样都好吸引，忍唔住叫多咗😂招牌蒲烧鳗鱼定食(原条)✨✨见佢个鳗鱼系推介，咁就配埋个定食。定食有埋啲小菜、饭同汤！饭上面有啲饭素，捞埋一齐食，几好食！而且珍珠米好饱肚！味增汤好饮，入面有唔少萝卜，增加咗汤嘅甜味，而且入面有几粒蛤，都增加咗唔少鲜味，好饮！渍物同前茶都好食，当开胃菜唔错。一送上嚟真系吓亲，鳗鱼真系好大条，仲要极厚肉！食落嘅鱼骨唔算多，肉质都系有弹性同嫩嘅；配埋酱汁味道极好！高质！！七味唐扬炸鸡✨✨小食叫咗个炸鸡，炸鸡每嚿都算大件，外脆，而且粉浆唔厚；鸡肉好滑，而且唔会干。食得出鸡腌嘅时都应该有用啲姜之类，所以食落味道都好好。熊本和牛串✨✨串烧真系要大推熊本和牛串！肉质好软，多汁，而且烧到出晒油，一放入口啲牛味同油脂味喺个口入而喷发，真系好好食！最后上埋个烧鸡泡鱼，都好好食，有啲焦香！呢个份量，呢个质素，真系少数cp值高嘅日式小店！绝对有下次下下次同下下下次。