CURATOR Art & Café (已結業)

真係超級鍾意呢間藝術咖啡館！首先餐廳裝修非常靚，入面掛咗好多見當代潮流藝術家嘅作品，例如草間彌生、劉野、村上隆、kaws等等，個感覺就好似走咗入一間畫廊咁，除咗畫之外店舖入面仲有figure，潮流商品等等，未叫嘢食只係觀感上都已經非常滿足。講吓食物，同朋友兩個去食分別叫咗大蝦意粉，莎樂美腸薄餅，波隆那肉醬通心粉，以及兩杯print coffee。首先一上係份pizza，一放到上枱香味已經出晒嚟，呢隻味同我之前喺歐洲嘅正宗Pizza店聞嘅係一模一樣！Pizza十分脆口，芝士香濃，同啲腸好夾，覺得呢個係必試！大蝦意粉又係好出色，啲醬調得啱啱好，蕃茄味唔會太酸亦唔會太鹹，味道拿捏得好好，而且啲蝦係又新鮮又彈牙。最後個肉醬通心粉就正正常常冇乜特別。所以個人比較推薦Pizza同埋大蝦意粉。最後不得不提嘅係佢嗰杯咖啡，之前見到好多人po相都係揀咗村上隆同埋梵高嘅畫，當然我都唔執輸揀咗呢兩個。店員同我哋講其實可以自己揀任何相，甚至可以用自己啲相印上去杯咖啡度，不過始終覺得怪怪的xd當然佢哋本身都可能有啲範本，最後印出嚟個效果真係超級靚！望到完全係心心樣，唔捨得飲咗佢，所以影左勁耐相！杯嘢飲覺底可以揀