530
34
4
港铁尖沙咀/尖东站 J 出口, 步行约1分钟 继续阅读
电话号码
21171066
开饭介绍
结合艺术及饮食的咖啡店,菜肴摆碟精美,更引入艺术打印咖啡机,可将任何画作、图案打印在饮品的忌廉泡上。咖啡店摆有不少知名艺术家的作品,如草间弥生的《南瓜》、村上隆慨《Dokodemo Door》等。 继续阅读
营业时间
今日营业
10:00 - 22:00
星期一至日
10:00 - 22:00
公众假期
10:00 - 22:00
公众假期前夕
10:00 - 22:00
付款方式
Visa Master AlipayHK 支付宝 现金 银联 Apple Pay Google Pay
其他资料
网上订座
赏订座积分
加一服务费
当面支付
有关奖赏计划
食记 (596)
等级4 2021-05-07
0 浏览
k11 musea 一向都充满艺术文化色彩,今日行过见到间同样充满文艺术色彩既餐厅CURATOR BY LEX ART CAFE,於是入去试一试。门外已经见到村上隆、多啦a梦等主题。元气精华:芝士肠放上面包同蛋之上就像多士加上小黄瓜酸酸味味食落零舍开胃。卡邦尼培根意粉:意粉用上长圆意粉加上有别於一般卡邦尼酱汁是用蛋黄酱混合意粉食非常特别。招牌莎乐美肠薄饼:一大片肠加上薄薄的pizza 上好香脆。意式提拉米苏(Tiramisu):Tiramisu 不太甜都几好味。 继续阅读
(以上食记乃用户个人意见 , 并不代表OpenRice之观点。)
等级3 2021-05-01
0 浏览
呢一间cafe 我bookmark 咗好耐,都好多人去过,但最主要原因系我自己好好好喜欢村上隆花花,所以我真系好想打卡而去,餐厅唔算大,但环境好舒服,而且好光猛,餐厅放满艺术品,放了KAWS,村上隆作品,令餐厅别有一番风味。-艺术打印咖啡原来呢一杯系冻饮,我一直以为系热饮,基底可以选择朱古力或咖啡,我当然会选择咖啡啦,店员会问我想要咩公仔,原来如果有其他图案可以send 俾佢哋,再print 出嚟,我同老公话,下次可以印阿仔个样喎,好喇....讲返杯饮品先,真的真的好靓,完全啱晒我为打卡嘅心意,面头个层系比较甜少少奶盖,下面就系咖啡底,一杯Cappuccino,咖啡就无太特别了,反正大家叫得呢一杯都系为了打卡,打卡我会俾10分。-丸久小山圆抹茶冰拿铁呢一杯出奇地大杯,其实见到价钱热&冻差几十蚊,都觉得出奇差咁多,点知原来咁大杯喎,浓浓的抹茶味,而且饮落好滑,唔会因为冻饮而唔够滑身,所以都唔错。-羽衣甘蓝莴苣凯撒沙律沙律菜都新鲜爽脆,面头有面包脆粒,份量都ok。-招牌莎乐美肠薄饼薄饼皮做到好薄好脆,面头有4大片莎乐美肠,唔会过咸,但无咩惊喜。-总结,性价比唔高,环境系舒,下午搵个朋友黎chill一下,倾吓计relax一下都唔错,重点系黎到都系为打卡。 继续阅读
(以上食记乃用户个人意见 , 并不代表OpenRice之观点。)
等级4 2021-05-01
0 浏览
CURATOR Art & Cafe走日系艺术风格,店内放了大量日本艺术家村上隆的花花作品,色彩缤纷,令人心情愉快!Hot Venchi Chocolate $49朱古力都有靓靓拉花!朱古力香气突出,入口顺滑香甜仲要一啲都唔苦,正!Hot Caffe Latte $51高难度的海马拉花!啡香奶滑,好看又好喝!酥脆鸡锤配水牛芝士酱 $58将鸡锤起骨反出,做成棒棒糖的形状,卖相够晒特别!外层香口内层啖啖肉!招牌莎乐美肠薄饼 $78Pizza中间有块超巨型嘅莎药美肠,咸咸香香的,Pizza底够晒薄,仲劲脆口,Very Nice!香蒜橄榄油意粉 $158大量杂菇加上松露酱,双倍菇香!意粉加入了橄榄油後更见柔滑! 继续阅读
(以上食记乃用户个人意见 , 并不代表OpenRice之观点。)
等级3 2021-04-29
0 浏览
呢间餐厅我之前同朋友去过一次,里面嘅精品好可爱,好艺术feel,而且啲嘢食都好好味,所以今次决定带其他朋友嚟试吓!我哋嗌左两个set lunch,每个set lunch都会有一份沙律,一个main同埋一杯嘢饮。🥗经典凯撒沙律、风乾火腿田园沙律凯撒沙律嘅面包碎永远系精粹,脆卜卜好香好好味!田园沙律有一旧都几大旧嘅风乾火腿,除咗菜之外仲有啲石榴,加埋橄榄油几Fresh几好味。🍝波隆那肉酱通心粉装通心粉只碟好似一顶帽,好得意!今次呢只系粗身嘅通心粉,因为佢好肥好大条,所以食咗半碟已经饱。蕃茄同肉酱嘅份量都几多,好足料!🐟香煎慢煮三文鱼扒本身睇Menu张相以为三文鱼扒侧边嗰两块系薯仔,点知原来系翠玉瓜!翠玉瓜同下面嘅菠菜都好好味,翠玉瓜食落好Juicy,菠菜食落好新鲜。三文鱼扒都几大旧,食落唔会腥,连平时唔食鱼嘅朋友都食咗半条!侧边有啲酱,虽然我唔知系咩酱嚟,但点三文鱼食都几特别。☕️艺术打印朱古力呢两杯艺术打印朱古力真系好靓好可爱!佢有唔同嘅图案可以拣,我地两个都拣咗多啦A梦。朱古力甜度啱啱好,除咗朱古力味好香浓之外,仲有啲奶味,就好似饮紧冻朱古力奶咁,好好饮!🤎Tiramisu呢个Tiramisu唔止卖相吸引,食落仲超好味!Waiter一上甜品就闻到好大浸咖啡味,好香!饼乾浸完咖啡嘅质地有啲似海绵蛋糕,食落软淋淋。啲cream唔会太甜,夹埋饼底同上面啲朱古力粉一齐食真系超正!依家睇返啲相又想再食多一次! 继续阅读
(以上食记乃用户个人意见 , 并不代表OpenRice之观点。)
等级4 2021-04-29
0 浏览
K11 Musea都开左一段时间,每次去都系人头涌涌🤣 啲餐厅多到食极都唔完,今次就简左呢间主打艺术嘅cafe~元气精华 $98入边有芝士香肠培根小黄瓜同炒蛋,感觉上夜晚都可以食到一个好丰富嘅brunch😍😍招牌沙乐美肠薄饼 $78热辣辣上菜🤤嚟到芝士系可以拉丝!酸酸甜甜亦都好开胃。经典凯撒沙律 $88健康嘅我梗系要叫返一个沙律啦,嚟到嘅系一碗超大嘅沙律,分量超足够,岩晒同朋友share食。抹茶拿铁 $49海盐朱古力香蕉冰雪世界 $68试一试佢嘅特色海盐朱古力香蕉冰雪世界~好好饮系浓浓嘅朱古力味入边仲有香蕉肉,但佢又唔会有好济嘅感觉。 继续阅读
(以上食记乃用户个人意见 , 并不代表OpenRice之观点。)