店內座位不多 當晚有超過一半嘅客人都係回頭客😳證明水準一定有咁上下👍🏻
餐廳所使用的食材完全值得呢個價位 而且食物都好打卡able 全部野食都超精緻超靚
餐廳嘅菜單唔係固定 依家12月會再轉一轉menu~ 用翻當季最新鮮的食材🥰
Dinner set 💰$1580
一共有17道菜 包括前菜、刺身、壽司同湯等
✨北海道水八爪
首先係前菜 搭配咗麵豉醬醋 水八爪嘅口感好彈牙~
✨日式煮花螺
就咁清煮嘅花螺 底下放咗已醃製嘅白蘿蔔 兩樣嘅配搭都幾match!!
✨鱈魚白子
依家正值系白子當造期
鱈魚白子嘅口感綿密
加上咗橙醋、蘿蔔蓉和紫蘇花等調味
✨鰤魚刺身
冬季時期盛產嘅鰤魚 油脂感頗豐富
師傅用炭火烤一烤鰤魚邊 增添一絲煙燻嘅香氣
搭配咗胡麻去提升整體口感
✨北海道秋刀魚刺身
帶一點回甘而又唔苦
配以薑蔥豉油 去腥味效果極佳😆
✨松葉蟹肉
師傅將蟹肉剝出 並與蟹膏混合 味道鮮甜 蟹肉分外美味
而碟上嘅紅葉問咗店員話係真嘅 成碟菜式超靚🥰
✨甜蝦肉配慢煮鮟鱇魚乾
分咗2層 上層係甜蝦肉 搭配炒櫻花蝦同燒脆咗嘅鱈魚片
而下層係慢煮嘅鮟鱇魚乾 配上黃蘿蔔同法國麵包🥖麵包脆脆的
✨神戶A4和牛刺身
呢個係和牛他他 食落超嫩滑 食客都讚不絕口🤍
搭配自家調製的醋、蛋黃漿同紫洋蔥等
✨赤身配吞拿魚腦天
吞拿魚腦天喺稀有部位 脂肪感極高 口感滑順✨
搭配脂肪感較少的赤身，夾著紫蘇葉
灑上用蜆肉炒製的海鹽，令整體味道更加鮮明
✨香箱蟹
呢道菜超超超靚 蟹肉同蟹籽混合 用蟹蓋裝住
紫椰菜加咗檸檬汁之後會變成粉紫色
見到咁靚嘅顏色食落都覺得好味啲😋
✨北海道帆立貝
搭配海鹽、青檸汁和柚子皮 鮮味十足
✨拖羅
食omakase都不可或缺！入口即融
✨黑鯥
師傅輕微炙燒黑鯥魚皮 釋放油香🤤
表層加上麵豉醬 令味道更上一層
✨銀鱈魚BB
師傅提到一般銀鱈魚比較大 而細小嘅先適合做刺身 會稱為BB~
搭配黑松露醬 好香😆
✨北海道白海膽
搭配法國Kaviari魚子醬 師傅話好多高級餐廳都係用呢款魚子醬✨
食之前先試少少魚子醬 再成舊食
白海膽口感柔滑 而且非常鮮甜 成個搭配非常滿足
✨魚湯
呢碗湯係餐廳嘅signature!! 無添加任何糖同味精
係由30幾條魚頭同魚骨熬製5-6個鐘
加上鹽、胡椒等調味 味道有少少微辛
幾啱飲完酒之後醒醒胃
✨當日甜品係日本提子🍇
清爽之餘又大又甜 完滿結束成餐飯🤍
