影片
更多
2018-03-11
186 浏览
跟好久不見既朋友們相見, 大家最近返工工作忙, 叫我帶佢地食D正野, 所以我揀左呢間中式私房菜, 之前見朋友話過呢到夠新鮮, 結果完全無令我失望, 朋友們全部比我更滿意, 嘻嘻!! 桂花糖蕃茄先來一道清新前菜, 因為知道會大魚大肉, 所以點呢個~ 蕃茄去皮後呈鮮紅色, 本身蕃茄新鮮多汁, 簡單配埋桂花糖, 鮮中帶甜，賣相與味道同樣令人胃口大增，清新味蕾 鹵水手撕雞 （少辣）本身套餐係set左鹵水拼盤, 但我同朋友都唔太食牛, 所以直接改左手撕雞, 食私房菜既好處就係可揀最岩自己心水!! 雖然只係前菜但好大盤, 呢到青瓜絲同雞絲比例各佔半, 同平時以雞絲為主既做法唔同, 每啖都撈勻左中式麻醬, 味道唔會過濃但麻香味回盪於口中~ 猴頭菇瘦肉湯成日都出街食, 所以中式燉湯就最岩我地, 我特登早一日訂, 朋友們見到都好開心~~~ 湯一大煲足以七至八人分, 湯渣另外用碟上, 湯料有幾豐富一覽無遺, 淨係猴頭菇都已經好大粒, 爽鮮口感令人想食哂佢, 仲有我最愛煲湯豬肉~~~加埋唔少藥膳湯料, 相當入味。 大肉蟹一只 （花雕雞油蛋白蒸）枱枱都叫咁濟既大肉蟹, 有好多種煮法任揀, 想最惹味可以揀避風塘
桂花糖蕃茄
先來一道清新前菜, 因為知道會大魚大肉, 所以點呢個~ 蕃茄去皮後呈鮮紅色, 本身蕃茄新鮮多汁, 簡單配埋桂花糖, 鮮中帶甜，賣相與味道同樣令人胃口大增，清新味蕾
鹵水手撕雞 （少辣）
本身套餐係set左鹵水拼盤, 但我同朋友都唔太食牛, 所以直接改左手撕雞, 食私房菜既好處就係可揀最岩自己心水!! 雖然只係前菜但好大盤, 呢到青瓜絲同雞絲比例各佔半, 同平時以雞絲為主既做法唔同, 每啖都撈勻左中式麻醬, 味道唔會過濃但麻香味回盪於口中~
猴頭菇瘦肉湯
成日都出街食, 所以中式燉湯就最岩我地, 我特登早一日訂, 朋友們見到都好開心~~~ 湯一大煲足以七至八人分, 湯渣另外用碟上, 湯料有幾豐富一覽無遺, 淨係猴頭菇都已經好大粒, 爽鮮口感令人想食哂佢, 仲有我最愛煲湯豬肉~~~加埋唔少藥膳湯料, 相當入味。
大肉蟹一只 （花雕雞油蛋白蒸）
枱枱都叫咁濟既大肉蟹, 有好多種煮法任揀, 想最惹味可以揀避風塘炒, 但我揀左花雕雞油蛋白蒸, 因為咁樣最能直接呈現大肉蟹既鮮甜,蛋白微微既花雕酒味, 同蟹肉有種微妙既關係, 係酒味襯托下蟹肉更添風味, 面既一層雞油完全無油膩感, 反而令蛋白既滑嫰度再升級,大家即刻叫兩個飯!!!撈飯一流~~
從蟹鉀都睇得出隻蟹有幾咁大隻, 大大舊蟹肉成啖食實在係人生享受!!!
生煎東星班12兩
東星斑食過既都係蒸, 因為蒸應該係最能夠保持魚肉既鮮味, 但原來呢個想法係錯架!!!! 因為煎原來可以咁好食… 雖然唔係好大條, 但成條煎已經好考功夫, 仲要煎得咁平均, 盡顯功架!!!! 魚皮非常香脆, 但內裏包住既郤係滑嫰無比既魚肉, 兩大極端既觸感同時係舌尖上爆發, 並唔係筆墨可以確切描寫, 令人好難忘。
白胡椒爆炒南非鮑魚4只
平時鮑魚最愛就係陳皮清蒸, 呢到又係有另類做法, 白胡椒汁既辛激感以微微杰身醬汁呈現, 完全包裹住整隻鮑魚, 但同時鮑魚既新鮮爽彈嚼勁無被覆蓋, 無諗過白胡椒汁可以咁既味道, 更加無諗過會同鮑魚咁配合, 而且鮑魚好大隻, 炒得剛好既熟度, 唔會過韌呢!
蒜蓉粉絲蒸蟶子王4只
蟶子同蒜蓉從來都是不輸既配搭, 成日叫蒜蓉粉絲蒸XXX, 一半係為左食蒜蓉粉絲, 好多時候蟶子太細隻或者唔夠新鮮, 靠蒜蓉粉絲搭救, 但今次呢個蟶子絕對推翻左呢個講法, 因為蟶子既光芒完全蓋過左蒜蓉粉絲!!!!
首先淨係蟶子個size已經夠哂巨型, 有成隻手咁長, 所以4隻已經要用巨型碟先裝到, 係平時食既近乎double size, 咁大隻但煮既時間控制得非常好, 爽口無比, 完完全全呈視出蟶子既新鮮度, 好似即捉即蒸咁, 光是鮮爽口感已經令人大呼過癮, 再配合埋大量既蒜蓉粉絲濃味無比, 錦上添花, 難怪枱枱都叫!!!!
江南百花雞半只
光光睇個菜名, 估唔到原來係一道功夫菜~~ 表面係雞皮, 原來蓋住既唔單止係雞肉, 仲有一層蝦膠, 蝦膠口感彈韌, 但唔係得個彈字, 半彈半肉感既口感, 雞肉即使比平時薄身但雞肉味甚濃, 雞皮下既油脂經過清蒸後滲入肉中令滑嫰度增加, 表面滿滿既芡汁都滲透住雞汁濃香, 令整度菜既味道更加昇華。
上湯浸時菜
即使係簡單既浸時菜, 同樣係好足份量既一道菜, 菜煮得恰好, 外表翠綠, 咬落新鮮爽脆, 上湯味道鮮甜~
甜品
是日甜品係好久不見既芒果布丁, 本身以為係傳統糖水, 布丁就咁睇以為係簡通貨色, 原來低估左佢, 呢個布丁既奶感係食過最濃最重, 杰身程度比起食慕斯更高, 好似食緊日本北海道牛乳果種感覺XDD 芒果味同樣天然不造假, 連甜品都可以咁高質, 比個讚啊。
每一道菜都有超水準表現，令人津津樂道、回味無窮
张贴
