大滾友火鍋 (美新大廈)

营业中

休息中

大埔直街好多食肆，今日試吓呢間火鍋店金柒招牌，餐廳裝修到好似古代宮廷咁樣，入門口仲有張大龍椅。我們一貫作風，做到早享受，趁早人少少，打咗一輪卡先湯底頗多選擇，叫了個新品推介，龍躉木瓜魚湯鍋 $298嚟到非常吸引，煙霧迷漫，木瓜插在鍋中間，木瓜上面捲起好多龍躉片。店員很識做等我哋打完卡先落手把龍躉片一片一片放回鍋中，然後就用刀切開木瓜。識食嘅梗係先飲咗兩碗湯，食埋龍躉先打邊爐，啖湯好清甜，龍躉片也鮮嫩大滾友牛肉拼盤 $418包括安格斯牛小排，手切牛頸肩， 和牛金錢展，肥牛，牛黃喉，牛肉粒，牛舌。擺盤已經花過心思， 牛肉雪花分明，味道濃郁伊比利亞橡果豬 $168肉質肥美，味道可口手打鵝肝墨汁墨魚丸 $72烏卒卒的墨魚丸，裏面藏咗一粒鵝肝，彈牙，香濃墨魚味蟹黃餃 $78蟹黃餃淥熟之後表面層黃色，非常吸引雜菜拼盤 $98非常多品種有油麥菜，生菜，窩筍 ，粟米，金菇，木耳，還有成條薯條嘅紫薯，食完咁多肉都要食菜平衡吓叫咗一瓶竹蔗茅根，清涼解喝，紫砂壺仲好靚臨尾附送個火燄豆腐花，成桶豆腐花上枱，加啲糖同洒後點起火，有焦糖嘅效果。以為食到好飽，點知 又食得落成桶豆腐花吃飽後，要走出宮廷，返回現代了。