影片
更多
2022-06-16
226 浏览
一年前同老公發掘到呢間隱世居酒屋，佢高質嘅食物一直令我地念念不忘！飛唔到日本，就去轉佐敦先啦😅入面環境都有啲feel是日前菜：海蜇沙律🥒好似日本嘅居酒屋，坐低第一時間就係有一份前菜！好似酒樓嘅花生咁😂呢個就酸甜開胃室津蠔🦪 $18 一隻每人食完兩隻即刻再Encore😋蠔嘅質感好爽口，蠔味好濃，唔算好Creamy 嗰種，食得出非常新鮮! 某程度上係為咗呢個蠔再encore呢間系撚鯛🐟紅衫鱼 $380佢係咁寫架😂😂原條切件上，新鮮即切好好食😋配埋酸汁係開胃嘅燒白飯魚干 $58見到個名覺得好特別，未食過😅原來係用好多既銀魚仔壓成一塊塊風乾，炸至金黃色，口感脆脆滲出魚既鹹香，食雞泡魚干食到悶悶地，試下白飯魚干又幾新鮮蒜頭漬 $48超驚喜🤩蒜頭可以殺菌又健康，但陣味始終好勁，平時好少就咁食～做左漬物就好易入口，第一啖係好濃嘅木魚花味，酸酸甜甜，好爽脆，反而食到最後先係蒜味，好特別而且好好好好味😋鹽燒鮮雞全翼 $50係師傅推介之一，本身覺得係一樣好普通嘅嘢！但點知⋯食落真係好驚喜🤩🤩雞翼燒到外脆內軟，食到炭燒味，用七味粉調味，即刻成隻雞翼好日式😂😂啲黃油香滲晒出嚟👍🏻加埋檸檬中和左個油膩感👍🏻喜出
是日前菜：海蜇沙律🥒
好似日本嘅居酒屋，坐低第一時間就係有一份前菜！好似酒樓嘅花生咁😂呢個就酸甜開胃
室津蠔🦪 $18 一隻
每人食完兩隻即刻再Encore😋蠔嘅質感好爽口，蠔味好濃，唔算好Creamy 嗰種，食得出非常新鮮! 某程度上係為咗呢個蠔再encore呢間
系撚鯛🐟紅衫鱼 $380
佢係咁寫架😂😂原條切件上，新鮮即切好好食😋配埋酸汁係開胃嘅
燒白飯魚干 $58
見到個名覺得好特別，未食過😅原來係用好多既銀魚仔壓成一塊塊風乾，炸至金黃色，口感脆脆滲出魚既鹹香，食雞泡魚干食到悶悶地，試下白飯魚干又幾新鮮
蒜頭漬 $48
超驚喜🤩蒜頭可以殺菌又健康，但陣味始終好勁，平時好少就咁食～做左漬物就好易入口，第一啖係好濃嘅木魚花味，酸酸甜甜，好爽脆，反而食到最後先係蒜味，好特別而且好好好好味😋
鹽燒鮮雞全翼 $50
係師傅推介之一，本身覺得係一樣好普通嘅嘢！但點知⋯食落真係好驚喜🤩🤩雞翼燒到外脆內軟，食到炭燒味，用七味粉調味，即刻成隻雞翼好日式😂😂啲黃油香滲晒出嚟👍🏻加埋檸檬中和左個油膩感👍🏻喜出望外
柚子鹽燒白鱔 $58
白鱔好肥美，口感爽彈，食到豐富魚油😋 火候啱啱好，皮脆肉嫩！上檯就好食喇，放耐左就唔脆架喇
日本青椒仔串 $25
燒到岩岩好👍🏻去左青椒嘅草青味！送酒小吃，唔錯
蕃茄豚肉卷 $28
係我鍾意嘅串燒之一❤️好食
一口和牛 $98
起初覺得有啲貴🤔食完覺得係值嘅！粒粒都入口即溶，和牛真係日本嘅好食👍🏻
什錦天扶良 $98
都係記得襯熱食，份量都幾多喎！有大蝦、碟魚、冬菇、番薯、粟米、秋葵、茄子🍆 番薯好正，好香甜！粟米都好特別，平時好少食到👍🏻
稻庭烏冬 $68
食左咁多野，老公都未飽😂😂
烏冬好粗，四四方方咁一條條，我食兩三條已經覺得好飽肚，同平時食嗰啲好唔好，佢又唔係煙韌彈牙嗰種，有啲似上海粗面😅店員好醒目，知我哋share，就問我哋使唔使分兩個碗上！當然好啦，唔使問佢拎碗又夾來夾去😂
去得居酒屋，都會點杯酒飲下掛！老公點左 High Ball, 佢話好飲👍🏻仲買一送一，但送我果汁算喇🥲仲想餵下奶
店內播住傳統日本音樂，真係好似去左日本居酒屋🏮之前跟阿姐食，佢教我地每次落單唔好嗌咁多嘢，因為食唔切，凍咗又唔好食😂同佢食飯落單落十幾次🤣🤣不過又真係好啱，喺食物最好食嘅時候享用，係最尊重佢嘅做法！慢慢傾吓計，慢慢食唔使急
OpenRice Book 埋單仲有8折
佢哋原來星期日休息，唔好摸門釘呀！諗吓🤔幾時再嚟食
张贴
