影片
更多
2023-03-02
193 浏览
見今日唔洗開工, 搵亞媽去飲個早茶先。好耐未食過懷舊點心啦，其實我都好鍾意飲下茶，感覺好Relax慢慢嘆。我地仲被安排係魚缸位隔離，望住d魚游，邊嘆茶又有另一番風味。好鬼休閒。😋茗茶每位 $9叫左壼香片，好清香同埋滑口，好怕d茶有苦澀味，哩隻茶飲落好舒服。食點心飲茶果壼茶真係好緊要。👍🏻😋好姐潮洲蒸粉果 (中點) $24食點心我就最愛食蒸粉果，情有獨鍾，所以食過好多間酒樓既粉果。哩度既粉果有懷舊既風味，因為佢用既料同以前懷舊粉果一樣，一定要有花生, 沙葛, 甜菜甫, 韭菜, 蝦米，而且個皮唔會好厚，加埋佢調既味道好好味。因為好多新式既粉果會配左其他料，咁就唔再係哩個風味啦。👍🏻😋懷舊雞球大包 (中點) $24哩個更加懷舊啦，新式既酒樓一定唔會有哩個點心。一個籠一個超大既包，好正。仲要裡面既雞肉同配料一d都唔肥，味道岩岩好。同埋最重要食落口既感覺唔會好肥膩。要好好珍惜有得食懷舊點心呀。👍🏻😋蛋煎黃金糯米雞 (中點) $24第二次見到酒樓有哩款菜式，將糯米雞煎成餅，個皮好香脆呀。簡直就係煲仔飯既飯焦一樣，最重要佢係煎完之後唔會成舊好油膩。超正👍🏻😋香麻脆芋絲夾 (小點) $18哩道點心真係
😋茗茶每位 $9
叫左壼香片，好清香同埋滑口，好怕d茶有苦澀味，哩隻茶飲落好舒服。食點心飲茶果壼茶真係好緊要。👍🏻
😋好姐潮洲蒸粉果 (中點) $24
食點心我就最愛食蒸粉果，情有獨鍾，所以食過好多間酒樓既粉果。哩度既粉果有懷舊既風味，因為佢用既料同以前懷舊粉果一樣，一定要有花生, 沙葛, 甜菜甫, 韭菜, 蝦米，而且個皮唔會好厚，加埋佢調既味道好好味。因為好多新式既粉果會配左其他料，咁就唔再係哩個風味啦。👍🏻
😋懷舊雞球大包 (中點) $24
哩個更加懷舊啦，新式既酒樓一定唔會有哩個點心。一個籠一個超大既包，好正。仲要裡面既雞肉同配料一d都唔肥，味道岩岩好。同埋最重要食落口既感覺唔會好肥膩。要好好珍惜有得食懷舊點心呀。👍🏻
😋蛋煎黃金糯米雞 (中點) $24
第二次見到酒樓有哩款菜式，將糯米雞煎成餅，個皮好香脆呀。簡直就係煲仔飯既飯焦一樣，最重要佢係煎完之後唔會成舊好油膩。超正👍🏻
😋香麻脆芋絲夾 (小點) $18
哩道點心真係未食過，唔知係懷舊點心定係第二個地方傳過黎。外脆之餘仲有好多芝麻夾住好多芋絲，賣相已經好吸引。本來以為會好硬，點知食落口好鬆化，脆得黎係外脆內軟果個質感。配搭得剛剛好，好欣賞哩度既廚師對油炸食物處理得唔錯，唔會覺得好油膩。👍🏻
😋濟寧蒜香鮮蝦春卷 (特點) $33
哩個春卷都好有特色，除左賣相好靚之外。佢既料都好不一樣，裡面有好多唔同既蔬菜絲配上鮮蝦肉，加埋外脆既皮。食落去就唔會好油膩。真係不得不再提及，可能廚師都會係一個比較注重健康既人。因為好多道點心既味道都唔會偏咸，所以我會諗個廚師都應該幾注重哩點。👍🏻
哩間酒樓既點心真係確實好有驚喜，香港有懷舊點心既酒樓都真係少知又少。仲要係整得好味既都唔係咁多。同時又飲到高質素既中國茶，哩一餐都真係好滿足。下次要搵多d人黎食，可以試多d唔同款既點心。真心推介比大家，值得黎一試。
⭐️⭐️⭐️⭐️（5星為滿）
鋿晶館 (上環)
上環德輔道中287-291號地舖
飲飲食食 #食好西 #周圍玩 #周圍食 #介紹返 #餐廳推介 #美食 #香港美食 #上環美食 #香港打卡餐廳 #打卡 #香港特色餐廳推介 #吃貨 #yummy #hongkong #hongkongfoodie #hkfoodie #hkfoodblogger #dinner #sc_cuisine #點心 #dimsum #懷舊點心 #飲茶 #酒樓 #鋿晶館
6 浏览
0 赞好
0 留言
张贴
