影片
更多
2025-06-10
756 浏览
旺角| 申子居酒屋最近又去咗旺角嘅申子居酒屋，環境日系同埋入面比較暗，氣氛幾放鬆，適合同朋友chill住飲酒食野。舞茸豚肉卷 ($68)呢款卷真是一個驚喜！舞茸菇同豚肉嘅組合好有層次，菇同豬肉嘅口感搭得好好，呢啲菇好juicy~~軟芝士黑豚串 ($48)黑豚串燒肉質嫩滑，配上軟芝士絕配！芝士唔會太濃膩，仲帶點鹹香，燒得啱啱好，肉汁鎖得住，食落好滿足! 食完仲想再encore。鮮蟹肉粥 ($168)呢個粥係全晚嘅亮點！蟹肉好新鮮，粥底煮得夠綿滑，每啖都充滿蟹嘅鮮甜味。$168有少少貴，但用料同心思真係無得彈，食完有種幸福感，冬天食一定更正！熔岩牛扒 ($298)牛扒賣相好吸引，配上溶曬嘅芝士真有「熔岩」效果，份量唔算好大，我地兩個女仔食覺得ok三文魚/四切 ($68)三文魚刺身新鮮度OK，切得厚身，入口夠creamy，油脂分佈平均。我地都覺得好好食，原來朋友係第一次食刺身！我地encore咗一碟西尾抹茶熱鮮奶 ($58)抹茶味濃而不苦，鮮奶加得啱啱好，入口順滑，甜度適中。$58嘅價錢喺日式餐廳算合理，飲完暖笠笠，好舒服。西尾抹茶凍鮮奶 ($68)同熱鮮奶比，凍版嘅抹茶味略為清爽啲，冰涼嘅
最近又去咗旺角嘅申子居酒屋，環境日系同埋入面比較暗，氣氛幾放鬆，適合同朋友chill住飲酒食野。
舞茸豚肉卷 ($68)
呢款卷真是一個驚喜！舞茸菇同豚肉嘅組合好有層次，菇同豬肉嘅口感搭得好好，呢啲菇好juicy~~
軟芝士黑豚串 ($48)
黑豚串燒肉質嫩滑，配上軟芝士絕配！芝士唔會太濃膩，仲帶點鹹香，燒得啱啱好，肉汁鎖得住，食落好滿足! 食完仲想再encore。
鮮蟹肉粥 ($168)
呢個粥係全晚嘅亮點！蟹肉好新鮮，粥底煮得夠綿滑，每啖都充滿蟹嘅鮮甜味。$168有少少貴，但用料同心思真係無得彈，食完有種幸福感，冬天食一定更正！
熔岩牛扒 ($298)
牛扒賣相好吸引，配上溶曬嘅芝士真有「熔岩」效果，份量唔算好大，我地兩個女仔食覺得ok
三文魚/四切 ($68)
三文魚刺身新鮮度OK，切得厚身，入口夠creamy，油脂分佈平均。我地都覺得好好食，原來朋友係第一次食刺身！我地encore咗一碟
西尾抹茶熱鮮奶 ($58)
抹茶味濃而不苦，鮮奶加得啱啱好，入口順滑，甜度適中。$58嘅價錢喺日式餐廳算合理，飲完暖笠笠，好舒服。
西尾抹茶凍鮮奶 ($68)
同熱鮮奶比，凍版嘅抹茶味略為清爽啲，冰涼嘅口感好適合夏天飲。不過$68有少少貴，感覺同熱鮮奶差唔多，視乎你鍾意凍飲定熱飲。
申子居酒屋嘅菜式質素整體高，特別係舞茸豚肉卷同鮮蟹肉粥，味道同用料都好有誠意。環境同服務都唔錯，侍應有禮貌，上菜速度快。仲有飲品買一送一呀！
张贴
