影片
更多
2023-03-22
166 浏览
網上睇到呢間蟹仙海鮮私房．蒸氣石碢，已經想食好耐，今日嚟到尖沙咀要試下啦，不過個位置就比較偏僻咗少少，要行上天文台圍條斜路先去到。行完啱啱好消耗晒啲體力，又可以大食一餐。 我哋揀咗個尊貴海鮮餐，有赤蝦、鮑魚、饅頭蟹、奄仔蟹、龍蝦、蔬菜拼盤，2個人基本都好夠食。 日本大赤蝦🦐：蝦頭好多膏，蝦膏好香滑，蝦身亦都特別滑。 台灣九孔鮑：好新鮮，口感軟熟彈牙。 職員好細心，特別提我哋先食鮑魚再食蠔，咁就唔會比蠔嘅鮮味蓋過晒鮑魚。 大西洋饅頭蟹🦀：我第一次試呢種蟹，平時街市都唔會有得賣，係老闆特別攞貨先有。 而且佢好珍貴，唔係季季都有，喺求偶階段浮出水面先至捉到。個樣真係有啲似饅頭，細細舊咁，最甜係個鉗， 蒸完出嚟成個粉紅色，唔好睇佢細細隻，但係都好爆肉，海水味勁濃，而且都好鮮甜。 紐西蘭青口＆大西洋刀貝：職員教千祈唔好點豉油，要食番個鮮味出嚟，又真係特別鮮喎。 澳洲青年龍蝦🦞：龍蝦肉幼嫩鮮甜，爽口彈牙。 菲律賓野生奄仔蟹🦀：呢個係老闆親自去攞貨，唔靚都唔要，果然係名副其實嘅蟹仙。 食完海鮮就到蔬菜啦🥬，由於啲菜無用水煮，菜味特別濃郁。 最後加葱同埋菜脯喺個粥底度，所有鮮味都流晒入啲粥度，唔使好多
網上睇到呢間蟹仙海鮮私房．蒸氣石碢，已經想食好耐，今日嚟到尖沙咀要試下啦，不過個位置就比較偏僻咗少少，要行上天文台圍條斜路先去到。行完啱啱好消耗晒啲體力，又可以大食一餐。
我哋揀咗個尊貴海鮮餐，有赤蝦、鮑魚、饅頭蟹、奄仔蟹、龍蝦、蔬菜拼盤，2個人基本都好夠食。
日本大赤蝦🦐：蝦頭好多膏，蝦膏好香滑，蝦身亦都特別滑。
台灣九孔鮑：好新鮮，口感軟熟彈牙。
職員好細心，特別提我哋先食鮑魚再食蠔，咁就唔會比蠔嘅鮮味蓋過晒鮑魚。
大西洋饅頭蟹🦀：我第一次試呢種蟹，平時街市都唔會有得賣，係老闆特別攞貨先有。 而且佢好珍貴，唔係季季都有，喺求偶階段浮出水面先至捉到。個樣真係有啲似饅頭，細細舊咁，最甜係個鉗， 蒸完出嚟成個粉紅色，唔好睇佢細細隻，但係都好爆肉，海水味勁濃，而且都好鮮甜。
紐西蘭青口＆大西洋刀貝：職員教千祈唔好點豉油，要食番個鮮味出嚟，又真係特別鮮喎。
澳洲青年龍蝦🦞：龍蝦肉幼嫩鮮甜，爽口彈牙。
菲律賓野生奄仔蟹🦀：呢個係老闆親自去攞貨，唔靚都唔要，果然係名副其實嘅蟹仙。
食完海鮮就到蔬菜啦🥬，由於啲菜無用水煮，菜味特別濃郁。
最後加葱同埋菜脯喺個粥底度，所有鮮味都流晒入啲粥度，唔使好多材料已經好好味。
张贴
