影片
更多
2022-09-07
622 浏览
山林道除咗飲酒🍺之外一向出名好多隱世美食，今日就搵咗一間喺銀座38專食生蠔嘅fusion 餐廳, 餐廳環境都幾闊落,一入門口左手邊係一個酒吧位置,每張枱都好大好有空間感,睇吓個Menu除咗生蠔之外,其實都有好多日式食物,有鐵板燒同埋串燒, 亦都有牛扒同埋刺身拉麵類，如果怕花多眼亂唔知點樣揀嘅話，最正嘅其實佢係有套餐可以揀,二人套餐都有三款，而且三款都已經包左生蠔做前菜，岩晒我呢啲選擇困難症嘅人🫣 我哋兩個人叫咗一個商務套餐同埋另外加多兩款生蠔🤭深海商務套餐 $768 + 4隻生蠔 $220🦪首先嚟晒四款生蠔八隻, 店員會介紹完會講埋點樣依次再去食，今日係由🇯🇵日本室津蠔食起，佢本身已經跟咗一啲酸醋,所以食嘅時候完全唔使自己落野，日本蠔比較細隻啲爽口啲，但係個蠔味同海水味一樣好重，跟住到西非野生蠔，上面有一塊金箔點綴😆呢款肉質肥美🤩超級creamy 有適度甜味, 而且有好重嘅金屬味, 食完之後個口仲留有一陣味好正🤤 再嚟就係愛爾蘭Dooviel, 呢款都係屬於creamy 嘅生蠔，但係佢就冇西非咁重金屬味，味道較均衡🤔海水味就唔太重，但一樣都係好滑, 最後食嘅係法國Ancelin🇫🇷呢個
深海商務套餐 $768 + 4隻生蠔 $220
🦪首先嚟晒四款生蠔八隻, 店員會介紹完會講埋點樣依次再去食，今日係由🇯🇵日本室津蠔食起，佢本身已經跟咗一啲酸醋,所以食嘅時候完全唔使自己落野，日本蠔比較細隻啲爽口啲，但係個蠔味同海水味一樣好重，跟住到西非野生蠔，上面有一塊金箔點綴😆呢款肉質肥美🤩超級creamy 有適度甜味, 而且有好重嘅金屬味, 食完之後個口仲留有一陣味好正🤤 再嚟就係愛爾蘭Dooviel, 呢款都係屬於creamy 嘅生蠔，但係佢就冇西非咁重金屬味，味道較均衡🤔海水味就唔太重，但一樣都係好滑, 最後食嘅係法國Ancelin🇫🇷呢個就比較爽口，上面有啲魚子醬,所以食落除咗有海水味之外係會比較鹹鮮同時甜味略帶Fruity😋
🐟刺身拼盤有四點，最正係有象拔蚌🥹 象拔蚌入口爽脆，仲好鮮甜，其他刺身係牡丹蝦🦐帶子同埋三文魚, 三樣都好新鮮同好厚肉
🥣餐湯係雜菜濃湯，碗湯超級濃味，重點係冇味精😳 入邊材料勁豐富, 個湯辣辣地酸酸地又夠熱, 非常開胃同埋好好飲
🥗沙律係用日式和風dressing, 好fresh, 同埋粒車厘茄勁甜同爽口好脆🍒
🦆鵝肝多士兩件，鵝肝多士好厚肉，伴咗黑醋同埋青瓜感覺一啲都唔蘇唔膩，塊仲多士🍞脆卜卜烘到岩岩好，中和晒鵝肝會溜嘅感覺👍🏻
🥩主菜揀咗加拿大斧頭豬扒，上枱仲細心到已經幫你切好晒一嚿嚿🫠 豬扒好夠淋同入味，普通鹽同埋胡椒嘅味道已經整得好好食,又唔會濃味得滯冚左咗豬扒本身嘅豬味, 伴碟仲有薯角🍟同埋沙律🥬
🍜最後仲有一碗深海海鮮拉麵，真係唔使驚有男士會唔夠飽，海鮮拉麵亦好用心去做, 淨係隻蝦🍤已經勁大隻超有誠意😍 然後仲有冬菇，蟹棒，魚板同埋半隻溏心蛋，拉麵嘅麻油味好香好濃而且係直麵嚟，留返係最後食熱辣辣成餐都好滿足
呢個餐仲包左兩杯無酒精飲品🍹，所以真係好抵食🥹真心推介大家如果想食靚生蠔, 又想食啲好食fusion 菜可以值得一試😉連我自己都肯定會再回頭嘅一間餐廳，老闆亦都好好，埋單嘅時候都會問你意見, 覺得好唔好食有冇咩要改善好有誠意🙌🏻 呢度仲有酒飲，可以同朋友嚟傾吓計慢慢坐唔怕嘈🍻
张贴
