影片
更多
2022-11-17
13 浏览
🌟餐廳：大圍小食📍地址：大圍富嘉花園22號地舖💰價位：～$50⏰營業時間：星期一至日營業至凌晨2點 今日收工有啲晏，唔想買餸煮飯，同屋企人想食魚旦燒賣、碗仔翅個啲小食，傾下計抖下～收工約埋媽媽一齊去大圍小食，買咗好多唔同種類既小食返屋企慢慢歎～一出火車站就望到大圍小食有長長既人龍，除左小食店名物既魚蛋燒賣、煎釀三寶、炸雞脾外，仲供應唔同主食，例如糯米飯、車仔麵、狗仔粉、油渣麵等等，超多種類，任君選擇，性價比極高！無論係放工放學口痕，想吉返串魚蛋，抑或想食外賣返屋企慢慢歎，什至夜媽媽搵宵夜醫肚，大圍小食一定滿足到！———————————————————🔹咖哩魚蛋拼燒賣 (必吃之選!!) 魚蛋採用傳統老店興利祥記陳皮魚蛋，食落啖啖陳皮味，彈牙得黎又唔腥！燒賣用魚肉制成，煙韌得黎又有魚肉味，啖啖肉好滋味～重點係老闆自家特調秘製辣汁，蒜香味同沙嗲味都好突出，醬汁掛滿魚旦燒賣，少少辣，好惹味！———————————————————🔹煎釀三寶呢度唔止三寶，十寶都有😆好難揀既情況下...我唯有...要哂！！除左茄子、紅腸、青椒同豆腐，仲有超大粒炸魚旦、炸韮菜
📍地址：大圍富嘉花園22號地舖
💰價位：～$50
⏰營業時間：星期一至日營業至凌晨2點
今日收工有啲晏，唔想買餸煮飯，同屋企人想食魚旦燒賣、碗仔翅個啲小食，傾下計抖下～收工約埋媽媽一齊去大圍小食，買咗好多唔同種類既小食返屋企慢慢歎～
一出火車站就望到大圍小食有長長既人龍，除左小食店名物既魚蛋燒賣、煎釀三寶、炸雞脾外，仲供應唔同主食，例如糯米飯、車仔麵、狗仔粉、油渣麵等等，超多種類，任君選擇，性價比極高！無論係放工放學口痕，想吉返串魚蛋，抑或想食外賣返屋企慢慢歎，什至夜媽媽搵宵夜醫肚，大圍小食一定滿足到！
———————————————————
🔹咖哩魚蛋拼燒賣 (必吃之選!!)
魚蛋採用傳統老店興利祥記陳皮魚蛋，食落啖啖陳皮味，彈牙得黎又唔腥！
燒賣用魚肉制成，煙韌得黎又有魚肉味，啖啖肉好滋味～
重點係老闆自家特調秘製辣汁，蒜香味同沙嗲味都好突出，醬汁掛滿魚旦燒賣，少少辣，好惹味！
———————————————————
🔹煎釀三寶
呢度唔止三寶，十寶都有😆好難揀既情況下...我唯有...要哂！！
除左茄子、紅腸、青椒同豆腐，仲有超大粒炸魚旦、炸韮菜餃子同炸魚肉釀冬菇～厚厚既冬菇配大大啖魚肉，好有口感好Juicy！
我最鍾意配甜醬食，仲有豉油、辣椒醬選擇，食辣唔食辣，任君選擇～
———————————————————
🔹即烤沙嗲串燒
我地點左串燒豬頸肉同雞肉，好大串，外層焦香，啖啖肉勁有咬口！
串燒由店員現場即烤，加入孜然粉，配埋自家製沙嗲汁，香噴噴熱辣辣，企係度望住真係勁吸引！
———————————————————
🔹碗仔翅
外賣返到去，質地仍然好杰身，一d都唔稀，証明真材實料！
大大碗之餘仲好足料，每一啖都到食到冬菇、雞絲、竹笙及木耳絲，加埋麻油同醋，香噴噴勁吸引～
———————————————————
🔹生菜魚肉
我既至愛！魚肉大大條又厚身，重點好彈牙而且魚肉味濃，飽肚之選～
加埋好新鮮既生菜，配上鮮甜熱辣辣既湯底，一啖爽脆生菜，一啖厚肉彈牙既魚肉，Perfect match！
———————————————————
🔹懷舊糯米飯
爸爸至愛既糯米飯，我仲額外加左臘腸同膶腸，糯米煙煙韌韌，配合埋雙腸既油香、蔥花同花生，口感豐富，大大盒好飽肚！秋冬季節，食返啖，暖笠笠！
———————————————————
🔹狗仔粉
媽媽既至愛～懷舊小食之一，湯底熬制得好鮮味，加埋脆脆豬油渣，特製勁辣菜脯粒，係傳統既味道！食完炸野之後食返啖狗仔粉，特別滋味！特別一提係個菜脯粒由老闆自家炒製，仲有一樽樽可以另外加購，岩哂平時煮麵或炒餸，加返幾羹，特別惹味～
———————————————————
🔹車仔麵(淨送)
實在買左太多野食，但又好想試埋佢地既車仔麵，最終我決定點一碗淨餸！
佢地個牛腩炆得好入味同淋身，貢丸彈牙而且有好多菇粒，加埋爽脆墨魚同埋滷水蛋，好出色既車仔麵配料～值得一提係配埋炸蒜粒及蔥花，更滋味～
———————————————————
🔹格仔餅
壓軸出場又點少得甜品！格仔餅外香脆，內軟熟，加入牛油花生粒醬，好香濃，食完小食用甜品作結真係好幸福！！
———————————————————
😋味道：4/5
🏢環境：3.5/5
💁🏻♀️服務：4/5
💵價錢：4.5/5
🤟🏻性價比：4.5/5
———————————————————
👅整體小總結
無論係住係大圍既人或者去過大圍既你，相信大家一出火車站，都會比一股撲鼻既咖哩味同油炸味吸引住！
相信如果我話大圍小食係大圍既地標，應該無乜人會反對😆
大圍小食正正位於大圍火車站對面，去大圍既人，呢度係必經之路，岩哂為食既朋友仔，去掃一掃小食再繼續行程！
作為屹立左係大圍廿幾年既老店，深受街坊歡迎，而且性價比極高，加上老闆長期在店內坐陣，好親民，同員工、街坊有講有笑，係一間充滿人情味既老店～必試～大推！！
张贴
