一生懸麵

营业中

休息中

好想食呢間拉麵好耐，但係之前每次經過都大排長龍，今日比較早放工，竟然見到佢唔使等好耐，咁就一於黎試吓啦。本身就係好想嚟食佢嘅雞白湯拉麵，原來呢度仲有餃子，咁就叫多咗嚟試吓。一上枱，見到佢嘅雞白湯好濃郁，飲咗一啖發現佢真係比較濃郁嘅湯頭，雞白湯配嘅係幼麵，麵質好掛湯，雖然幼，但係口感好好。另外佢嘅慢煮叉燒非常嫩滑，食落好有肉味，但係又冇豬嘅臊味，真係好值得一讚。朋友叫咗辣味噌拉麵，因為我唔食辣所以就冇試，佢話唔係太辣，但係好開胃。辣拉麵配嘅係粗麵，我試咗一啖，覺得粗麵嘅面質非常好，而且都好掛湯。呢度嘅餃子都幾出色，睇落細細隻，但係皮薄餡多，入面係白菜豬肉，點少少醋真係越食越開胃。呢間拉麵咁出色，而且價錢夠平，唔怪得成日都咁多人排隊啦。