影片
更多
2023-05-17
305 浏览
陳儀興玫瑰餐廳 (新蒲崗)新蒲崗爵祿街33A-37A號百勝工廠大廈地下地點唔算隔涉亦都唔算方便因為話晒喺新蒲崗兩頭唔到岸嘅地方，但係有好多巴士，啟德或者鑽石山地鐵站落車行7分鐘左右就會搵到，如果係Error Mirror fans應該一定搵得到，就喺新蒲崗排舞室嗰頭，聽朋友講，有試過撞到error其中一員，當然我唔係為咗error而黎，純粹覺得真係大件夾抵食，足料唔使加一又無豉油錢，服務態度又好。中式餐廳格局，有小菜同火鍋，揀咗個海鮮濃湯黃金甲，同職員傾開，佢話有個雙龍吐珠海鮮鍋，有兩隻澳洲龍蝦，四件鮑魚六隻蝦好好抵食，要早一日訂又或者住附近晏晝行開訂定，咁我諗打個電話嚟聽都一定得啩，下次識食，一定要訂定。黃金甲都好不錯，原隻鮮肉蟹，蟹鉗等於半隻手掌咁大，仲有超級多嘅蜆肉，我諗¼嘅湯底都係蜆肉黎，原來湯㡳仲有南瓜圈同埋粟米，因為本身唔知佢有粟米，所以我另外點左個價值22蚊既粟米，22蚊既粟米份量超級多，然後我就得到了很多粟米，很澎湃的粟米。另外單點火鍋料有d可以選擇半分，兩個人食每樣半份都夠，可以試好多好多嘢，豬腰非常嫩滑加爽冇得彈，牛肉擺落去就咁由佢，攞返上嚟嘅時候都保持到嫩滑，另外
新蒲崗爵祿街33A-37A號百勝工廠大廈地下
地點唔算隔涉亦都唔算方便因為話晒喺新蒲崗兩頭唔到岸嘅地方，但係有好多巴士，啟德或者鑽石山地鐵站落車行7分鐘左右就會搵到，如果係Error Mirror fans應該一定搵得到，就喺新蒲崗排舞室嗰頭，聽朋友講，有試過撞到error其中一員，當然我唔係為咗error而黎，純粹覺得真係大件夾抵食，足料唔使加一又無豉油錢，服務態度又好。
中式餐廳格局，有小菜同火鍋，揀咗個海鮮濃湯黃金甲，同職員傾開，佢話有個雙龍吐珠海鮮鍋，有兩隻澳洲龍蝦，四件鮑魚六隻蝦好好抵食，要早一日訂又或者住附近晏晝行開訂定，咁我諗打個電話嚟聽都一定得啩，下次識食，一定要訂定。
黃金甲都好不錯，原隻鮮肉蟹，蟹鉗等於半隻手掌咁大，仲有超級多嘅蜆肉，我諗¼嘅湯底都係蜆肉黎，原來湯㡳仲有南瓜圈同埋粟米，因為本身唔知佢有粟米，所以我另外點左個價值22蚊既粟米，22蚊既粟米份量超級多，然後我就得到了很多粟米，很澎湃的粟米。
另外單點火鍋料有d可以選擇半分，兩個人食每樣半份都夠，可以試好多好多嘢，豬腰非常嫩滑加爽冇得彈，牛肉擺落去就咁由佢，攞返上嚟嘅時候都保持到嫩滑，另外鴨血同豬皮簡單不錯，性價比高。
餐廳特別之處，除咗火鍋之外仲有小菜，陳怡興出名係潮州野，小菜當然有返咁上下水準，同樣係大大份，點咗個咕嚕肉，咕嚕肉脆身，肉質淋，醬汁剛剛好，就孫唔打邊爐，就咁嗌小菜都好正，價錢又抵食碟唔過$100。
職員好主動幫我地換污糟碟，又會主動同我哋傾吓計，服務態度一流好有親切感，平日嘅晚餐唔太多人，坐得舒服，食得開心，好滿足。
新蒲崗有機會撞到明星嘅超值小菜邊爐餐廳，要收藏起來。
张贴
