仟穆

营业中

休息中

先前朋友介紹一間真係平時唔會行到去嘅一間燒鳥店，『仟穆』Chi Yawaragu。香港師傅主理嘅舖頭仔。用本地三黃雞配搭電爐燒出嚟。我哋分別點咗 內臟Set，同埋串燒 Omakase。開始嘅時候先送上前菜2款 包括高糖番茄，清酒煮蜆。清酒煮蜆個出汁味道好突出，鮮味匹配。之後開始串燒，今次唔特別逐樣講。我最鍾意嘅食物包括燒雞掌心，雞甲狀腺，雞腳筋，鷄肝，鷄胸軟骨等等 冷門嘢唔係經常係出面食到，又估唔到呢到有間隱隱世世嘅舖頭。大路嘢又幾好食嘅包括白鱔，牛舌，雞翼都合乎水準。免治雞肉串可以更好，口感爭少少。當日係閒日嘅晚上，坐唔滿但係都有幾枱walk in 客。地方唔算大，不過環境都幾乾淨企理。服務幾好，好熱心。會問我哋鹹度有冇需要改變，呢啲唔係咁多舖頭會做。另外再追加左個燒牛腸。同店員傾開原來呢間鋪頭開咗一段時間，不過上年換咗廚師同班底，menu 上面同埋操作都有改變。 唔知大家有冇食過呢？無嘅都不妨試下。貴又唔算貴，燒鳥set 都係講緊$800，最後仲有雞湯烏冬，同埋雪糕。份量仲唔少嘅。