影片
更多
2020-06-11
170 浏览
星期日下午打去估唔到都仲book到枱，加上男朋友食過銅鑼灣分店話性價比好唔錯，就一齊去試吓尖沙咀啦。就咁睇d菜名都幾吸引，又想試多D野，就叫咗個Dinner set for two ($448)，包appetizer, main dish, dessert & drinks 各x2，就咁睇d菜名都幾吸引～但原來係中伏嘅開始 -___________- Ham Platter風乾火腿同Salami腸，痴埋一舊，冇乜咸香可言，勉強算係超市素質。香蒜橄欖油炒野菌配溫泉蛋全晚最正常，都算熱，野菌炒得幾香，唔加蛋可能仲香口。龍蝦芝士通粉Mac & cheese係典型美式家庭料理，唔算難整，但竟然都可以整到咁難食！鐵板形式上菜，但個通粉只係暖暖地，估計係翻熱完／煮完臨尾求其焗吓佢。如果你期望見到面層係焗到金黃色嘅芝士，相信你會極度失望。面層芝士分量少得可憐，啲汁唔單止稀，味道好似用現成超市醬汁整咁，更加唔好講咩拉絲啦。龍蝦份量反而可接受。但整體無論賣相定味道都唔合格。下面有圖有真相～終極失敗之作紅酒燴和牛勒肉配蜆殼粉賣相OK。可惜個粉好硬。牛肉肉質唔錯，算腍亦有牛味。但坦白講就完全食唔出係和牛，完
Ham Platter
風乾火腿同Salami腸，痴埋一舊，冇乜咸香可言，勉強算係超市素質。
Ham Platter
14 浏览
0 赞好
0 留言
香蒜橄欖油炒野菌配溫泉蛋
全晚最正常，都算熱，野菌炒得幾香，唔加蛋可能仲香口。
龍蝦芝士通粉
Mac & cheese係典型美式家庭料理，唔算難整，但竟然都可以整到咁難食！鐵板形式上菜，但個通粉只係暖暖地，估計係翻熱完／煮完臨尾求其焗吓佢。如果你期望見到面層係焗到金黃色嘅芝士，相信你會極度失望。面層芝士分量少得可憐，啲汁唔單止稀，味道好似用現成超市醬汁整咁，更加唔好講咩拉絲啦。龍蝦份量反而可接受。但整體無論賣相定味道都唔合格。下面有圖有真相～終極失敗之作
龍蝦芝士通粉
26 浏览
0 赞好
0 留言
紅酒燴和牛勒肉配蜆殼粉
賣相OK。可惜個粉好硬。牛肉肉質唔錯，算腍亦有牛味。但坦白講就完全食唔出係和牛，完全唔覺有油脂豐富嘅油香。咁嘅價錢黎講就不過不失啦！(食到一半先記得影相，為免影響大家印象就唔放相啦)
甜品
個餐原本已經包甜品， 加$18可以轉blueberry cheesecake。細份到咁都要加錢就幾無奈～
Blueberry cheesecake
20 浏览
0 赞好
0 留言
總結
呢個價位嘅西餐，都唔會抱太高期望啦，相信都係想平平地食性價比～但今次可以話係呢年嚟食過最差嘅西餐！D 員工(除咗開頭帶位果個之外)都幾冇禮貌，擺低野食果陣好粗魯，落錯單好聲好氣同佢地講返又黑口黑面。。。
參考返其他食評，賣相同評價又唔係咁差！可能係我地今次唔好彩啦，所以我唔想斷定呢間野嘅出品必然係垃圾，但我地自己就冇下次啦～
题外话/补充资料：
俾$500可以入會，送價值$600 cash coupon，但每次用餐只可以用一張，同其他會員優惠都唔可以同時使用(e.g.九折)。記住問清楚先自行決定入唔入會：）！
(以上食记乃用户个人意见 , 并不代表OpenRice之观点。)
张贴
