金鳳大餐廳 (新都城中心三期)

营业中

休息中

又去新都城，今次去”金鳳大餐廳”。餐廳名好似茶記，其實係類似”花園餐廳”、”扒王之王”、”哥登堡”咁，以食港式扒為主。咁當然會有大量差唔多樣嘅set，而午餐set係明顯比較平的。舉例，今次叫的午餐set鐵板牛扒帶子，正常食要170多，但午餐只要148。帶子鮮嫩有彈性，牛扒就過熟(叫5成嚟到差唔多well done)，但肉質不錯，起碼不是用梳打粉”拿”到爛晒嘅牛肉，係真係似一塊平時買到嘅西冷。另一份叫咗main Menu上面嘅牛柳餐。牛柳無論肉質同味道都喺西冷之上，但就冇咗西冷嘅油脂感。而配以佢嘅黑椒汁，表現甚至好過佢嘅蒜蓉汁。餐包同餐湯就好Standard ，所有set都會包。最後要留意餐飲凍飲唔使加錢，所以都會盡量叫凍飲😅。