影片
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
【西贡区】【金凤大餐厅】同美女朋友喺宝林𠮶边买啲嘢，之后就去食嘢。谂极都谂唔掂，拣极都拣唔到之下，就嚟咗食金凤。食扒都好嘅，同枱食饭又可以各自修行。佢就食「每月精选晚餐」，应该都稳阵嘅，有「牛油餐包」、「是日忌廉汤」同「胡麻酱田园沙律菜」做前菜。主食佢拣 $178 嘅「带子西冷牛扒」，要铁板上、五成熟同蒜蓉汁，我有食啲，牛味冇乜，其实加蒜蓉会开心啲。个餐仲有甜品「意大利配方雪糕」，都可以嘅。餐饮佢加 $18 饮「红牛」，唔系提神𠮶只，系士多啤梨雪糕加利宾纳，我冇饮，佢话 okay 就得啦。我食 $206 嘅「美国牛小排餐」，主菜都系铁板上、五成熟、蒜蓉汁，我就有加 $2 加蒜茸，弥补到牛味嘅浓度不足，纯粹食个爽皮。牛油餐包不变，餐汤我就加 $25 升级海皇焗酥皮汤，可以啦。嘢饮就加 $18 饮「白牛」，即系云呢拿雪糕加雪碧，埋单 $488。。。（地址：将军澳宝琳贸业路8号新都城中心三期地下G19-20号舖）呢间餐厅我写过其他分店嘅用餐体验以及食物，如果想睇，可以打以下 hashtag 搜寻返𠮶次嘅用餐体验记录：深水埗区分店：1am1564油尖旺区分店：1am1739#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西贡区 #将军澳 #宝琳 #金凤大餐厅 #每月精选晚餐 #牛油餐包 #是日忌廉汤 #胡麻酱田园沙律菜 #带子西冷牛扒 #蒜蓉汁 #意大利配方雪糕 #红牛 #美国牛小排餐 #海皇焗酥皮汤 #白牛 #1am1753 #1ambackup
继续阅读
呢日黎到将军澳呢间金凤, 真系好耐都冇食过呢D 传统港式排房餐厅~ 我地两个都叫左扒餐, 我地分别叫左牛柳餐同埋杂扒餐~ 两个都加左$2 要蒜茸, 佢可以拣黑椒汁又或者蒜茸汁~ 上枱个阵仲可以将D 汁放系铁板上面炸炸汁, 真系好治愈! 呢两个餐分别都跟餐汤同餐包, 可以拣红汤又或者系白汤, 我地就拣左一红一白, 配埋热辣辣既餐包食真系一流! 扒餐既肉质都好高质, 食到肉味之余仲好香! 食哂成份餐真系大满足!!!!!!!!!!!!!
继续阅读
🍗铁板香煎鸡扒餐鸡皮煎到金黄脆卜卜✨ 肉质超嫩滑！仲要两块超级大块嘅鸡扒，性价比超高！黑椒汁辣辣哋🌶️倒上热辣辣嘅铁板度，出烟渣渣声，记得攞纸巾遮住，如果唔系会弹到自己。佢嘅黑椒汁真系非常之灵魂，用嚟点咩都好食，够晒重口味。🥐升级+$25个海皇焗酥皮汤酥皮焗到胀卜卜，金黄色，又酥又脆，捞埋落汤入面真系更上一层楼。里面嘅汤系忌廉海鲜汤，有好多蚬肉，同佢跟餐嘅白汤系唔一样，但系有淡淡嘅海鲜香，而且冇咁杰身。🥩牛柳餐（六成熟）切开仲见到粉嫩肉色💗都唔使用力切，肉质非常软腍。有两大块牛柳，非常满足。我叫咗六成熟，再加上铁板嘅温度，我觉得啱啱好，钟意生啲嘅可以叫四、五成熟都可以。🍫冻朱古力唔使加钱就有，都算几浓郁。🍨白牛怀旧之选，雪碧再加云呢拿雪糕。
继续阅读
生日优惠冇写有消费条件，埋单先知三个月消费够几钱先用得，呢点失策。个扒叫5成，但佢整到起码7成，冇咩牛味，唔知食紧咩咁，食落还好，叫做啖啖肉咁。平民扒房，两百蚊黎讲食呢种野～称唔上抵食。
继续阅读
今晚食咗50年金牌锯扒怀旧餐厅,一入门口待应好有礼貌有善招呼安排座位,先看看餐牌,有好多扒类既套餐,意粉同饭,沙律同汤饮品，仲有焗猪扒饭留待下次食,今次先食扒餐先,叫了一份美国牛小排餐配蒜蓉汁,朋友叫了牛柳餐,先上了罗宋汤, 酸中带甜、甜中带香够浓郁又多菜,配埋牛油餐包真系好夹,超喜欢!之后先上美国牛小排,很喜欢铁板上,热腾腾香喷喷,牛小排鲜嫩多汁,肉味浓郁,软嫩又有口感,美味!之后上埋牛柳餐,牛柳都系铁板上,大大够牛柳份量真系十足,够晒食！肉质细嫩,入口软软的口感,配埋个蒜蓉汁,真系十分美味,最后点了柠檬茶同埋柠茶，完完全全感受到扒房既感觉，地方又好好坐,同朋友可以吹下水,系一个好好既食晚餐地点!
继续阅读