Wagyu Ya (已結業)

首先係因為見到OpenRice評價幾高諗住試吓，入到去發現一個人都冇，包哂全場，都心知不妙，只係都冇諗過咁伏。一嚟就介紹呢個set, 話好抵食，話$888 per person，二人起（見圖），覺得都幾吸引，於是叫咗二人份量啦，點知嚟到係得餐牌顯示嘅一人份量，於是問侍應係咪嚟少咗，跟住佢答餐牌上所顯示嘅已經係二人份量，我當堂嚇一跳，然後得啖笑。或者係我孤陋寡聞，原來啲餐牌要咁理解，但佢呢個質素同份量，對比佢呢個價錢都真係好對唔住顧客，我用呢個價錢去高質燒肉店食都唔會唔飽。我包到場都係可以解釋得到，難怪冇客人上門。燒肉質素好一般，俾呢個價錢你去Donki Donki買高級燒肉都可以食到痾油。如果想試呢一間，建議大家慎重考慮。 相信都係俾錢搵打手催谷好評，大家睇相應該可以理解。