炊豕店 (威靈頓街) (已結業)

之前係加連山道已經有留意呢一間炸豬扒飯，因為每次經過門口，都會見到好多人等，俾我發現咗中環開咗分店，咁就去試下啦!門口都有圍繩俾人排隊，但我去到已經唔使排，可以直接入去店內。入到去個環境好似食堂，好大油煙味，啲凳冇椅背，餐單上全部都係豬扒飯，只係款式不同，有一款加蔥、魯肉飯、咖哩……蔥油豬扒飯啲蔥係幾香，豬扒好酥脆又勁熱，有部分的肉係粉紅色，入面有一層透明好似比調味料醃製到啡色，啲飯唔會爛，豉油甜甜地。肉燥秘製豬扒飯其實同上面的豬扒冇乜分別，味道都係差不多，但係個肉燥食完之後會覺得好膩。我食完之後勁口渴，可能太多味精。