豪門海鮮酒家

营业中

休息中

長假期開始，大家相信短期都未能出外旅行，四人於是相約在一起，扮扮旅客遊歷鯉魚門⋯⋯重點當然是海鮮餐啦！朋友安排行行海鮮街，嘆吓奶茶、影個靚相、買完手信之後，最後食個海鮮餐。朋友話，就算本地遊都要買手信⋯⋯豉油王蝦碌~四人分量都算幾大碟，蝦夠新鮮，由於味道未算太濃，所以連蝦殼也𡁻得津津入味。椒鹽賴尿蝦~椒鹽瀨尿蝦未算太大隻，帶點點過火，但尚可接受。清蒸果皮南非鮑魚~由於行足一日，未有預早準備白酒，就在附近買了一支平民價錢的副牌小龍船白酒，哈！和當日的鮑魚相當夾檔。鮑魚蒸得剛剛到位，果皮恰如其分帶出鮮味。上湯開邊龍蝦~每人半隻，原先想再加煎米粉底，但最後覺得由於只得四人，份量未想太飽，吃夠就算⋯⋯豉椒蟶子皇~當晚樣樣一件，嚟到聖旨到⋯⋯已八八九九，蟶子每人一抽，彈牙唔過火，正！油焗爆膏醃仔蟹~醃仔在這個秋分時候已是水尾，仍能爆膏之作，大愛甘香軟膏，油焗是當晚筆者至愛，妙哉妙哉！清潤木瓜~食店最後送上是每人半隻夏威夷木瓜，和橙或西瓜相比，來得秋分時的一份滋潤親切。整體來說:海鮮煮功味道平均，味道唔算太濃，啱晒筆者口味，服務態度細心，未知是否鄉下人，感覺一份親切，富有人情味。