豪門海鮮酒家

营业中

休息中

一行六人，在海鮮街路口的「海鵬」買海鮮。老闆娘幫手挑選了有膏的重皮奄仔蟹，還有些扇貝，蟶子和東星斑，就到「豪門海鮮酒家」吃飯。我們坐窗口位，有景又寬敞。 服務也很好。 經常換新餐碟。蟹選10-12 兩，膏多。鹽焗，在家很難做到😜 比大閘蟹還美味！廚師蒸那東星班魚很有水準，能做到香氣四溢及魚肉剛好離骨，口感鮮滑。 不愧海鮮專業餐廳！別外特別喜歡咕嚕肉和蟶子+「米粉餅底」。最後水果盤是木瓜加芒果一起吃，層次升級。高水平美食，大滿足。🥰

今晚家庭聚會， 朋友特別介紹咗呢間位於鯉魚門的豪門海鮮酒家， 我們一行九人六點都得， 我們就在酒家對面的海鮮檔裏買海鮮， 分別買了鮑魚，蝦，深海大老虎斑， 聖子和花甲。 首先，清蒸游水蝦，新鮮爽口有蝦味。之後就黎個油鹽水煮蜆，蜆夠大又有肉，味道不錯。 另外還有薑蔥炒鮑魚片， 鮑魚切到一片片，然後用薑和蔥爆炒，香口夠鑊氣又野味， 之後條深海大老虎斑就炒兩味，分別是炒斑球和炆魚骨，兩個都整得不錯，夠香有嘢味。 最後就係個聖子，豉椒炒蟶子配米粉底，豉汁夠濃和野味。 你間酒家整體質素不錯！ 可以再試

今日同同事聚餐 所以就嚟咗鯉魚門食飯 我哋喺出面買完啲海鮮然後入嚟加工 都整得幾好食嘅 不過我就覺得可以再濃味少少 但可能廚師覺得海鮮新鮮原汁原味都可以啦我地間房要上多層 地方就比較舊同埋雖然畀咗間房我哋 但係有其他人要經過我哋間房先入到入邊間房 所以有少少古怪😅加工費最後再加多兩碟菜埋單＄3200左右啦 個人認為最特別係呢尾芝士龍蝦 因為第一次食芝士飯底而唔係伊麵😆黃金蝦都整得唔錯 因為炒得比較乾身唔會好似平時嗰啲咁油膩

屋企人過黎鯉魚門食海鮮會選呢間，雖然裝潢設計比較old school，但佢哋整出來的海鮮味道幾唔錯。海鮮會係酒樓隔離個間直接挑選。🦞龍蝦意麵🍝湯汁鮮美，鹹味適中，龍蝦肉質鮮嫩。火候岩岩好。鮑魚火候掌握很好，鮮嫩易入口，Q彈無過硬。只係差d橙皮味道⋯總體而言，係一間識推薦識煮海鮮 值得一試嘅酒家。

今晚屋企人生日, 老豆請食好野!!呢D機會唔多, 鯉魚門食海鮮喎,諗起都興奮!! 一於有大食大!!不過佢地海鮮係俾個冧心價,之後老闆再寫菜單, 如有唔同...唔好怪我一黎到就上左個象拔蚌刺身!!件件都好鮮味, 好爽口, 加埋WASABI豉油!!簡直一絕, 作為第一道菜, 非常開胃!!第二道菜: 鼓油王大蝦!!味道好有鑊氣, 隻隻蝦都好彈牙入味!!而且炸到好鬆化, 成隻吞埋都可以!!真係好正!!第三道菜: 芝士龍蝦焗伊麵龍蝦開邊啖啖肉, 又無煮過時!!唔會好似香口膠咁, 做到入口即溶!!咁講都無誇張!!芝士味濃!! 係典型中國菜既芝士香味!!好濃郁!! 講真個伊麵黎多盤都食得晒!!第四道菜: 陳皮蒸南非鮑呢個好誇張, 好耐未試過用刀叉食鮑魚!!陳皮好香加乘埋個飽魚!! 好高貴!!隻鮑魚真係好大隻!!第五道菜: 豉汁炒蟶子皇蟶子皇係黎自紐西蘭!!條條都好大條, 加埋佢豉汁快炒!!唔韌之餘, 鮮味無流失!!又係得意之作!!第六道菜: 清蒸東星斑其實蒸魚真係好難!! 要計到啱啱好!!少左時間又唔熟, 長左時間又會老!!但係呢條真係蒸到啱啱好!!連平時唔太食魚既我都食左好多!!第七道菜: 椒鹽鮮

今午逛遊鯉魚門走進這菜館驚見午市套餐附送是日靚湯今日例湯冬瓜煲豬骨，好味到唔可能無味精，飯餸未上已喝光涼瓜班塊一般口味， 芡汁略多梅菜蒸鯇魚不錯，魚肉鮮嫩，梅菜鹹甜適度，魚汁撈白飯一绝炸菜蒸牛肉，味道亦可，肉甚有咬口，炸菜混豆腐卜墊碟豆卜入味送飯一流白飯一大碟，免茶介無加一， 性價比高

好耐冇同幾個好朋友食飯了，今天特意去鯉魚門這間海鮮酒家來共進晚餐，這裏最出名當然是海鮮啦，今日叫了兩個冷盤一個是象拔蚌刺身和花竹蝦刺身，這兩個菜式雖然一樣是冷盤但係帶出來的口感各有不同一個是非常之爽脆另外一個就是非常之鮮甜，還有元貝也是我喜歡的今天用了芝士焗，帶出元貝很鮮甜和芝士的配合湯好味又健康，今天叫了另外一個鹽焗花螺也是非常之爽脆很有鹹香的味道，當然班魚肉炒西芹是少不了的好菜式雖然簡單但非常之多人喜愛。

長假期開始，大家相信短期都未能出外旅行，四人於是相約在一起，扮扮旅客遊歷鯉魚門⋯⋯重點當然是海鮮餐啦！朋友安排行行海鮮街，嘆吓奶茶、影個靚相、買完手信之後，最後食個海鮮餐。朋友話，就算本地遊都要買手信⋯⋯豉油王蝦碌~四人分量都算幾大碟，蝦夠新鮮，由於味道未算太濃，所以連蝦殼也𡁻得津津入味。椒鹽賴尿蝦~椒鹽瀨尿蝦未算太大隻，帶點點過火，但尚可接受。清蒸果皮南非鮑魚~由於行足一日，未有預早準備白酒，就在附近買了一支平民價錢的副牌小龍船白酒，哈！和當日的鮑魚相當夾檔。鮑魚蒸得剛剛到位，果皮恰如其分帶出鮮味。上湯開邊龍蝦~每人半隻，原先想再加煎米粉底，但最後覺得由於只得四人，份量未想太飽，吃夠就算⋯⋯豉椒蟶子皇~當晚樣樣一件，嚟到聖旨到⋯⋯已八八九九，蟶子每人一抽，彈牙唔過火，正！油焗爆膏醃仔蟹~醃仔在這個秋分時候已是水尾，仍能爆膏之作，大愛甘香軟膏，油焗是當晚筆者至愛，妙哉妙哉！清潤木瓜~食店最後送上是每人半隻夏威夷木瓜，和橙或西瓜相比，來得秋分時的一份滋潤親切。整體來說:海鮮煮功味道平均，味道唔算太濃，啱晒筆者口味，服務態度細心，未知是否鄉下人，感覺一份親切，富有人情味。

行完山去食海鮮老闆娘熱情好客嘢食新鮮實惠會再嚟瀨尿蝦大大隻，啖啖肉，好野味。魚好新鮮，又甜，第一次見到藍色嘅魚骨🤣好新奇。生果好甜，又好睇又好食。多謝老闆娘😘

今晚同一大班的舊朋友相約在鯉魚門這間海鲜店見見面，這間店位置非常方便就在這裡6的路口，還有就是有2會獨立，提供了捉夠空間和私隱度，所以非常適合還有就是這𥚃的海鮮做法非常啱不同人事的口味，大小朋友都會可以，

估唔到十四人係鯉魚門訂房食海鮮，可以有電動麻雀打，還有一套可以用手機點歌而且質數ok既karaoke唱。真係有D意外！而食物方面：個蛋白炒飯炒得唔錯，唔油又夠乾身，食落仲有少許脆口，正！芝士龍蝦煮得都好入味，芝士份量不多不少，正！不得不提，佢地個海鮮湯，清甜，鮮味，超正！勁推。

我相信冇嘜人會LUNCH走去鯉魚門食海鮮LUNCH架喇其實如果係我都唔會，但當日喺同一個舊老闆去，佢提議要食所以咪去左囉我地先係筲箕灣買左D海鮮去比佢處理的去到坐低叫左個四人餐，老實說一D都唔好味，仲可以話難食添，除了條紅衫魚外大家唔好以為LUNCH 會平喎！個餐好似係300蚊架 炒芥蘭&涼瓜牛肉炒得超油呀！NO GOOD個上湯龍蝦簡宜係不知所謂呀！冇肉架得D殼架炸，我地最後係冇掂到架相反條紅衫魚就OK喎！ 白灼蝦&鮑魚係我也自己買來加工的，所以一定新鮮，而且我地選擇蒸一定唔會衰得去邊囉！老實說，可以揀我一定唔會再黎囉！

o岩o岩o個個星期一我地成班 friend 去鯉魚門間 '豪門' 食海鮮. 其中一味係奄仔蟹, 真係o岩哂我呢d '愛羔之人'. 碟蟹一上枱....'wa, 好香呀'...haha...我心入面即刻浮現咗味之天使嘅聲音. d 羔又香又濃又軟...真係好回味呀!

通常我食蒸蟹都叫瑤柱蛋白蒸蟹, 今次有朋友話中意食梅子蒸蟹喎, 咪試吓lor...........點知...............好味喎, 好開胃, 又鮮甜. 呢味係最後一味上碟嘅餸, 但係完全冇影響佢嘅吸引力, 酸酸甜甜, 但又食到蟹嘅鮮味......掂呀!

上星期六同d friends 去鯉魚門間豪門酒家食海鮮, 我叫咗碟芝士焗龍蝦伊麵底, ok wor. 估唔到d 龍蝦咁好肉, 芝士又香又滑....好like 好like下次去我都會再叫呢味