霸嗎拉麵 (已搬遷) 新店位置

噢嗨喐！早兩日同女友想食下日本野，去到銅鑼灣梗係喺燈籠街食好西啦！係燈籠街搵左間最少人排的霸嗎拉麵試下，本住我不入地獄...的精神=p入到去霸嗎，係一個好日本居酒屋style的裝修，感覺上好似真係去左日本咁！霸嗎的餐牌花多眼亂，揀到你傻！不過主菜都係豚肉、雞肉同叉燒拉麵。同一直蘭好相似的係佢地都有得俾你揀要蔥走油軟硬麵呢啲基本野，但同佢地唔同的係呢度有啤酒汽水小食撈麵，最正的係佢有得俾你同你的另一半見到面咁食野丫嘛！仲可以餵埋入口添！今次我地叫左個特盛炙燒豚肉拉麵、豚角蔥油撈麵、辛口燒餃子、辣汁唐場炸雞同綠茶雪糕！首先上場的係我既特盛炙燒豚肉拉麵！佢用左4塊手掌加手指咁大大大塊既豚肉，配料係味筍同另加的溫泉蛋。4塊手掌咁大既豚肉丫！一啖咬落去，豚肉的油香、脂肪的口感、炙燒的燶味混合埋一齊，係鐵三角的融合丫！如果我無估錯，呢個豚肉應該係被炆煮七七四十九小時而成的！(逃)味筍的多汁同爽甜，拉麵與湯的極配，豚肉的香濃，流心溫泉蛋的組合，簡直就是在細說日本的歷史與文化！接住上場的係豚角蔥油撈麵！豚肉、青瓜、蔥油同肉碎，是要將蔥油呢樣燒味必備良品帶到更高的陳次！食物黎到的時候我同女友一齊撈起佢，