影片
更多
2019-06-15
1166 浏览
若果要問我北區有邊間中菜館，可以用fine dining形容，我一定會選擇大學站的沙田18。上次品嚐過火焰叉燒，一試難忘，近日又有新攪作，約埋幾位好友來頭午間小敍。前菜 花椒麻香鮑魚拌脆萵筍近日天氣酷熱，成30幾度，最啱食清新爽脆既萵筍，澆上花椒油，多添一份辛香，鮑魚開邊，一口一件啱啱好，超正。皮蛋小蔥牛展雖皮蛋並非溏心，但切碎粒後反而與有嚼口的牛好配合，食落真係好惹味。湯羹 龍躉斑片蕃茄魚湯未上檯已經傳來陣陣魚香，湯底呈奶白色，原來是加入米水，聽說有僻腥的功效，蕃茄與魚從來都是絕配，龍躉片啖啖肉，單是湯料，已經佔了半個碗，味道鮮甜香滑，真係好想飲多碗。主菜 自製黃皮醬焗鱈魚整道菜的靈魂，絕對是自家製的黃皮醬，鱈魚烤焗得啱啱好，肉質嫩滑，黃皮醬氣味清香，正好平衡了油膩的感覺，用來伴飯一流。無花果鹹檸檬鵪鶉蛋燜大騙雞煲選用泰國咸檸檬，因為咸度不會過火，加上清甜的無花果，甜酸夾雜，雞肉燜得啱啱好，而且蘸滿了醬汁，好惹味；至於另一位配角是鵪鶉蛋，本身已經邪惡，仲要係炸過，所以更易吸醬汁，咬破外層一刻，蛋香在口腔湧現，真係說不出的味美。白子頭水紫菜煎蛋餅坊
若果要問我北區有邊間中菜館，可以用fine dining形容，我一定會選擇大學站的沙田18。
上次品嚐過火焰叉燒，一試難忘，近日又有新攪作，約埋幾位好友來頭午間小敍。
前菜
花椒麻香鮑魚拌脆萵筍
近日天氣酷熱，成30幾度，最啱食清新爽脆既萵筍，澆上花椒油，多添一份辛香，鮑魚開邊，一口一件啱啱好，超正。
皮蛋小蔥牛展
雖皮蛋並非溏心，但切碎粒後反而與有嚼口的牛好配合，食落真係好惹味。
湯羹
龍躉斑片蕃茄魚湯
未上檯已經傳來陣陣魚香，湯底呈奶白色，原來是加入米水，聽說有僻腥的功效，蕃茄與魚從來都是絕配，龍躉片啖啖肉，單是湯料，已經佔了半個碗，味道鮮甜香滑，真係好想飲多碗。
主菜
自製黃皮醬焗鱈魚
整道菜的靈魂，絕對是自家製的黃皮醬，鱈魚烤焗得啱啱好，肉質嫩滑，黃皮醬氣味清香，正好平衡了油膩的感覺，用來伴飯一流。
無花果鹹檸檬鵪鶉蛋燜大騙雞煲
選用泰國咸檸檬，因為咸度不會過火，加上清甜的無花果，甜酸夾雜，雞肉燜得啱啱好，而且蘸滿了醬汁，好惹味；至於另一位配角是鵪鶉蛋，本身已經邪惡，仲要係炸過，所以更易吸醬汁，咬破外層一刻，蛋香在口腔湧現，真係說不出的味美。
白子頭水紫菜煎蛋餅
坊間絕少食到的菜色，當然要加碗白飯啦！
加入了紫蘇葉及白子頭，更香味既突出又特別，拌飯食更是一絕。
黑胡椒花生芽爆炒鴨舌
第一次接觸花生芽已經是好幾個月前的火鍋局，當時已食過不停，家陣用來爆炒，又是另一番滋味，感覺香口惹味，鴨舌比較乾身，似乎都給花生芽搶去了風頭。
生炒豬油渣菜心
今日餐飯真係爆錶，食完鵪鶉蛋，又上豬油渣，用作炒菜心真係超正，菜心嫩綠無渣又鮮甜，豬油渣粒好香口，最好有杯啤酒。
甜品
黑糖薑雪糕
味道清香，帶少許辛勁，好啱自己口味。
烏龍茶雪糕
茶味比較淡，建議先食，否則好易被其他兩款比下去。
洛神花菠蘿雪葩
三款雪糕類中一致讚好，清新甜美，芳香馥郁俱備，入口透心涼，真心推介。
焗黑芝麻湯圓酥皮批
外層是熱辣辣的酥皮，餡料是口感QQ的黑芝麻湯丸，兩者質感不同，卻絲毫沒有違和感。
龍眼花生朱古力餅
個人感覺甜度都幾高，不過自細就鍾意食龍眼肉，自然多幾分好感，花生味道好濃郁，正。
星期日就係父親節，想慰勞一下辛勞多年的父親，不妨考慮一下!
张贴
