東哥點心籠仔蒸飯專門店 (已結業)

真係一開頭就要比三個開心佢，呢間專門店的蒸飯水準很高，在荃灣區真係好難搵到第二間。今晚三個人叫咗8款點心同二個蒸飯，埋單都係161蚊,真係抵到你唔信。講講個兩款蒸飯,一個係蒜蓉蒸蝦飯，另一個係洋蔥肥牛蒸飯，蝦飯先到,嘩........估唔到30幾蚊一個蒸飯可以咁正。一上桌已經香氣撲鼻,飯粒粒粒分明，有濃濃的蒜香同蝦的甜味，加上少少豉油己經令人讚歎不已。另一個肥牛相對下就較為普通，但絕不代表佢唔好食喎,只係蝦飯真係太出色，肥牛係打邊爐貨色，加上洋蔥汁淋在蒸之上，個汁都OK，肥牛牛都唔差。而其他大路點心好似蝦餃燒賣雞札等都幾好味，尤其係燒賣真係唔錯，爽口彈牙，總括黎睇，東哥點心真係比入圍米豬蓮個間所謂點心專門店更出色，而且唔使等位，呢間店唯一唔好處就係服務方面要改善下，尤其係個位後生仔，能度方面有待改善。