影片
流沙包系我既饮茶至爱之一，但系以前经常食到唔流既流沙包，令我好失望。今日同妈咪终于试咗尼间东哥点心，佢地既点心纸写住流沙包唔流包换，令我对佢好有信心！所以我地都异口同声决定要点笼流沙包试吓。咬开流沙包，即刻闻到好香既咸蛋黄味！再咬，即刻见到好多流心既馅。对于我尼个食尽唔流既流沙包既人嚟讲，系自己住𠮶区终于揾到流心既流沙包真系好感动😂流沙包总括嚟讲好好味，达到期望👍👍我地另外再叫咗多汤小笼包真系包如其名，未食已经见到佢入面的确好多汤👍。小笼包好好食，但系比较起我食过既小笼包，佢甜少少，不过无伤大雅😌除咗尼两样，我地重叫咗个鳯爪鳯爪就同平时食开既无咩分别，唔错既。妈咪话佢好似细碟过一般酒楼既鳯爪，不过我觉得差不多。因为我同妈咪都怕肥，所以两个人叫得三样嘢。唔觉饱，不过又唔觉得需要再叫。茶钱3蚊位，埋单56蚊免加一，平到吓亲😅。讲开茶，我地叫咗壶香片。。我第一次饮到咁苦既香片，真心唔好饮😞另外我睇过其他食家既食评都有讲到服务欠佳，等待时间长既问题。我同妈咪好好彩，唔系话等咗好耐就有流沙包食，食完再等咗一阵就上埋另外𠮶两样。其实我谂大家抱住去饮茶既心态既话就唔会觉得要等太耐架啦😊至于服务方面，大家要注意一样嘢，就系店员认为佢地应该安排客人坐边度。喺我地食紧嘢既时候，有一个女人自己行咗入嚟自己揾位坐。之后店员好反感，同𠮶位女士嘈起嚟，之后𠮶位女士发脾气走咗。系尼件事上睇到店员心理质素好好。虽然𠮶位女士好恶，反应好大，但系佢地都无好恶咁闹番转头。事后佢地亦对其他客人保持良好服务态度，无燥底，的确专业👍
继续阅读
昨晚星期日去到东哥点心，八点左右去到，等咗一阵有位(我们五人要坐四人位)，因超肚饿所以即点即落order，先来北菇蒸鸡饭好好食，因饭很有鸡味，另外排骨饭也是，接著其他陆陆续续也来到，令我惊喜的是虾饺，皮薄虾有juice,有大师傅水准，超！和我上次食保持一贯水准！但最后来的牛肉蒸饭就差一点点，牛肉有点(梅)，饭有点干！但是一贯水准的还有服务水准，不执枱、无礼貌、唔愿做，对客呼喝……最有印象是隔离枱那个后生女，可能她很不满，她将那些点心纸怒抛在枱上，服务员还说:后生女，唔驶咁呀！在这地方食野，食物0K以上，服务水准以下很多！
继续阅读
同老婆大前晚到荃湾店食晚饭， 入到去见到有位坐低， 点知比个侍应大大声隔住半间铺指挥我哋坐第二张枱， 好啦就坐咗过去， 茶都未开侍应攞住个蒸饭过来问啱唔啱食， 好明显系有人等得太耐走咗所以周围问有无人要！我哋落单叫咗七样嘢， 有北菇鸡蒸饭、虾饺、山竹生肉、鹑鹌蛋烧卖、潮洲粉粿、鲜虾腐皮卷同鱼肚滑鸡扎。个蒸饭唔驶三分钟就来， 点知啲饭应该系蒸咗好耐无人要， 见我呢儍佬叫就第一时间攞出嚟， 成个饭蒸到个边啲饭干哂， 中间心啲饭烂哂好似糊仔咁， 我哋食咗一半无就唔想再食， 之后虾饺、鹑鹌蛋烧卖、潮洲粉粿都来咗， 应该系落单先蒸都几好味！到个鲜虾腐皮卷上枱， 点知个侍应阿姐一放低就即刻攞起同我讲要比第二枱食先等阵出过碟比你！ 点知就一去无回头， 一路食住等， 等咗差唔多大半个钟有多山竹生肉、鲜虾腐皮卷、鱼肚滑鸡扎三样都未嚟起身比钱走人！出到收银处又系𠮶个侍应阿姐收钱， 同佢讲话有三样嘢未到， 点知佢仲要话返我转头蒸点心要时间， 系要等耐啲！系要迫我发火， 我同佢讲我哋前后等咗差唔多九个字， 放低碟嘢系张枱就惊我无钱比咁即刻攞咗去第二枱， 我问佢系咪日日来啲熟客先有得食！因为佢哋啲侍应唔系第一次咁做， 熟客就一定快手有位坐， 将其他人落单啲嘢食比咗熟客先， 其他人就等极都无得食！一间食物出品质数唔错的餐厅服务再咁落去的话， 下场大家应该心中有数， 当然不能用酒楼来比较， 但系都唔好差得咁离谱！
继续阅读
第三次黎帮衬，水准依然保持得好好。咸鱼肉饼饭：肉饼好肥，但因为肥而好香口！！移走肥糕就食得好过瘾！炸俩肠：好味！油炸鬼是网面，脆口好吃炖汤：足料好味流沙奶皇包：馅流，够热，正！总括黎讲好值得去食！！！！晚餐几十蚊食到饱，抵！
继续阅读
同男朋友买外卖返屋企食。叫左北菇鸡蒸饭，凤瓜排骨。鸭脚扎，棉花鸡。咁个丫姐买个时都同我地讲等20分钟。咁知即蒸咁耐都可以等下。行开左3个字谂住返餐厅等。点知个丫姐先话冇北菇鸡。咁紧系问佢边样最快。其实佢都好好心行左几转去厨房睇。咁之后叫左个香芋牛肚蒸饭。又要等多5-8分钟先有。。。。其实d点心真系几好食同几足料。可惜系个蒸饭略嫌太干，仲好似有d生米既感觉。但有心既系都真系有荷叶既香味。唔似其他舖。求其放块叶系底就话荷叶蒸饭。
继续阅读