東哥點心籠仔蒸飯專門店 (已結業)

流沙包係我既飲茶至愛之一，但係以前經常食到唔流既流沙包，令我好失望。今日同媽咪終於試咗尼間東哥點心，佢地既點心紙寫住流沙包唔流包換，令我對佢好有信心！所以我地都異口同聲決定要點籠流沙包試吓。咬開流沙包，即刻聞到好香既咸蛋黃味！再咬，即刻見到好多流心既餡。對於我尼個食盡唔流既流沙包既人嚟講，係自己住嗰區終於搵到流心既流沙包真係好感動😂流沙包總括嚟講好好味，達到期望👍👍我地另外再叫咗多湯小籠包真係包如其名，未食已經見到佢入面的確好多湯👍。小籠包好好食，但係比較起我食過既小籠包，佢甜少少，不過無傷大雅😌除咗尼兩樣，我地重叫咗個鳯爪鳯爪就同平時食開既無咩分別，唔錯既。媽咪話佢好似細碟過一般酒樓既鳯爪，不過我覺得差不多。因為我同媽咪都怕肥，所以兩個人叫得三樣嘢。唔覺飽，不過又唔覺得需要再叫。茶錢3蚊位，埋單56蚊免加一，平到嚇親😅。講開茶，我地叫咗壺香片。。我第一次飲到咁苦既香片，真心唔好飲😞另外我睇過其他食家既食評都有講到服務欠佳，等待時間長既問題。我同媽咪好好彩，唔係話等咗好耐就有流沙包食，食完再等咗一陣就上埋另外嗰兩樣。其實我諗大家抱住去飲茶既心態既話就唔會覺得要等太耐架啦😊至於服務方面，

昨晚星期日去到東哥點心，八點左右去到，等咗一陣有位(我們五人要坐四人位)，因超肚餓所以即點即落order，先來北菇蒸雞飯好好食，因飯很有雞味，另外排骨飯也是，接著其他陸陸續續也來到，令我驚喜的是蝦餃，皮薄蝦有juice,有大師傅水準，超！和我上次食保持一貫水準！但最後來的牛肉蒸飯就差一點點，牛肉有點(梅)，飯有點干！但是一貫水準的還有服務水準，不執枱、無禮貌、唔願做，對客呼喝……最有印象是隔離枱那個後生女，可能她很不滿，她將那些點心紙怒抛在枱上，服務員還說:後生女，唔駛咁呀！在這地方食野，食物0K以上，服務水準以下很多！

同老婆大前晚到荃灣店食晚飯， 入到去見到有位坐低， 點知比個侍應大大聲隔住半間鋪指揮我哋坐第二張枱， 好啦就坐咗過去， 茶都未開侍應攞住個蒸飯過來問啱唔啱食， 好明顯係有人等得太耐走咗所以週圍問有無人要！我哋落單叫咗七樣嘢， 有北菇雞蒸飯、蝦餃、山竹生肉、鶉鵪蛋燒賣、潮洲粉粿、鮮蝦腐皮卷同魚肚滑雞扎。個蒸飯唔駛三分鐘就來， 點知啲飯應該係蒸咗好耐無人要， 見我呢儍佬叫就第一時間攞出嚟， 成個飯蒸到個邊啲飯乾哂， 中間心啲飯爛哂好似糊仔咁， 我哋食咗一半無就唔想再食， 之後蝦餃、鶉鵪蛋燒賣、潮洲粉粿都來咗， 應該係落單先蒸都幾好味！到個鮮蝦腐皮卷上枱， 點知個侍應阿姐一放低就即刻攞起同我講要比第二枱食先等陣出過碟比你！ 點知就一去無回頭， 一路食住等， 等咗差唔多大半個鐘有多山竹生肉、鮮蝦腐皮卷、魚肚滑雞扎三樣都未嚟起身比錢走人！出到收銀處又係嗰個侍應阿姐收錢， 同佢講話有三樣嘢未到， 點知佢仲要話返我轉頭蒸點心要時間， 係要等耐啲！係要迫我發火， 我同佢講我哋前後等咗差唔多九個字， 放低碟嘢係張枱就驚我無錢比咁即刻攞咗去第二枱， 我問佢係咪日日來啲熟客先有得食！因為佢哋啲侍應唔係第一次

第三次黎幫襯，水準依然保持得好好。鹹魚肉餅飯：肉餅好肥，但因為肥而好香口！！移走肥糕就食得好過癮！炸倆腸：好味！油炸鬼是網面，脆口好吃燉湯：足料好味流沙奶皇包：餡流，夠熱，正！總括黎講好值得去食！！！！晚餐幾十蚊食到飽，抵！

同男朋友買外賣返屋企食。叫左北菇雞蒸飯，鳳瓜排骨。鴨腳扎，棉花雞。咁個丫姐買個時都同我地講等20分鐘。咁知即蒸咁耐都可以等下。行開左3個字諗住返餐廳等。點知個丫姐先話冇北菇雞。咁緊係問佢邊樣最快。其實佢都好好心行左幾轉去廚房睇。咁之後叫左個香芋牛肚蒸飯。又要等多5-8分鐘先有。。。。其實d點心真係幾好食同幾足料。可惜係個蒸飯略嫌太乾，仲好似有d生米既感覺。但有心既係都真係有荷葉既香味。唔似其他舖。求其放塊葉係底就話荷葉蒸飯。

一進入餐廳，已聽到店員鬧某枱的阿叔阿叔不停抱怨等了半個鐘還未有東西吃，豈料廚房有把聲傳出來，大喊：未熟都比佢啦！睇下佢食唔食！聽得我也呆了這裏的鳳爪排骨蒸飯大大籠，鳳爪和排骨亦足料，兩人分來吃都有多。蒸籠上鋪了荷葉，飯裏滲香，而且不會用冷飯，啖啖有咬口～點心不算太突出，我點的叉燒包和鶉𪂹蛋燒賣，都跟平時吃的沒太大分別～算是不過不失啦！不過，吃飯時倒瀉了茶，請店員來抹時，她繞着雙手，態度惡劣地問：點解會倒瀉茶呀！！想不到倒瀉茶都要比人審，有些始料不及......

同男友去開荃灣，見到依度話有籠仔蒸飯，仲係海蝦飯，當然想試下，入去坐底，睇下有咩好食，就點了海蝦飯，小籠包，流沙奶皇包，米網炸兩腸。隔左一陣，有個待應就同我哋講，無海蝦飯，又無流沙奶皇包。。。。咁惟有轉牛肉飯，同取消流沙奶皇包。等了又等，足足等左20分鐘，先嚟個小籠包。。。原來一籠只得三件，食落係好多湯，但係味道一般跟住又等，就嚟個籠仔牛肉飯。。。見到個籠真係好大，但原來個底好淺，得個表面，味道，牛肉不錯，但啲飯比較硬，加左豉油都係硬之後又再等，再嚟埋個米網炸兩腸。。。依個比較特別，好有口感，味道吾錯，有少少蝦肉，同幾脆口，算是不錯這裡服務都係一般，有啲待應會笑笑口去介紹食物，但亦有待應會多理你，總括來說，吾係太特別，只係覺得食物等得太耐。。等到人都發忟。。。

今天再為大家介紹另一荃灣美食，他，是東哥籠仔蒸飯專門店。在荃灣上班的這些時間，不免東找西找，看看有甚麼食店是未吃過的。偶然想起沙咀道東哥，在開店的時候已想一試，後來事忙，不了了之。卻原來，你我曾在異地再相逢，因為，你在長沙灣也有分店，在長沙灣上班那時原來再有一面之緣。東哥的點心紙很特別，都是以廣東話諧音或成語來分門別類，腸腸勝利、口甜舌滑、包羅萬有，單看字面，你差不多已可估到那是甚麼類別，吃甚麼東西。今天，我是被門口的廣告牌所吸引的，招牌籠仔飯只賣$29起？那個籠仔蒜蓉海蝦飯，看來很吸引啊～所以說，照片拍得好，絕對對店子有幫助呢～籠仔蒸飯$29起錶，最貴的果然是海蝦飯，但只要好吃，我不介意多付一點。另外也可加油菜加甜品，也只是$5。中午時間，差不多每一檯都有一籠蒸飯。飯是即蒸的，所以需要等約十至十五分鐘。闊身大圓蒸籠，先鋪上大荷葉，再把飯和材料都放上去蒸。我今天要了籠仔蒜蓉海蝦飯，海蝦先行開邊，再連蒜蓉一起蒸，單是賣相和香氣，已令人食指大動，蒸好後馬上端來，店員再即場灑上豉油，我不客氣了！個人覺得那些應該不是海蝦而是養蝦，不過勝在隻數多，蝦的味道滲進飯裡，是精髓所在。而且蒜蓉重手，這樣

是日為復活節，也是第三天假期，去完教會得閒無聊，便想去飲茶，但是卻又不想去得大遠，於是選擇了去荃灣。在下趁假日到荃灣飲茶，是希望近近地在荃灣，晚上又要丑別處開餐，所以就在這裡好了。從點心紙中，劃出了以下的黑點心：侍者先奉上一壼香片茶。香片原名為茉莉花茶，俗名香片，香片為白茶及花茶一種，氣味氛芳且甘芳滿口。跟著先來一籠百醬鳳爪。鳳爪色澤分明亦有辣絲，味道醃得入味，可是未能蒸很腍。雖說是百醬，但以豉椒為主要醬汁。鮮蝦香芹餃皮較厚，而且看來已經蒸了頗長時間，見形態卻已非常濕潤，未見乾身，內涵以芹菜為主，鮮蝦明顯已經被蒸得溶爛，欠缺應有的爽口，而且蝦份量不夠。香茜牛肉腸亦是偏厚一點，從表看也不能看到內涵。呷一口皮未見滑，牛肉尚有滑溜之感。整體來說，點心蒸得過份而且皮偏厚，味道未見突出。

其實之前來過，不過我懶，幾次都沒有寫過，今趟再來，的起心肝要留番幾行字。吃點心，燒賣是少不了的，賣相有點東歪西倒的，不過總算漲卜卜，吃起來豬肉餡佔了八成，比例似乎不太恰當，還幸味道是可以接受。腸粉，皮偏厚，也不很滑，好在裡頭的越式春卷尚算香脆餡多。籠仔蒜香海蝦蒸飯是這裡的招牌菜色，即管點來一籠。打開蓋，是幾香的，蒜粒很大很多，不過吃時就覺得蒜味實在太霸道，把所有的味道都蓋過了。甜品又如何? 馬拉糕並不鬆軟，黑白流心煎堆不很流，而且奶黃香一般，兩款均未有驚喜。價錢，是這裡的最大優勢。

友人來找我下午茶,有點想吃點心又不想到茶樓,起了這個地方!小時候一家人都受到附近的東湖吃飯,酒家結業後一年也許只會來一這邊一兩次,都是送朋友到車站才來吧!坐下後待朋友到達後就開始點吃的, 2個人吃到的不多,故只點了叉燒腸粉,流沙包(好像是唔流唔收錢),蝦餃再加一客煎茄子!茶就點了鐵觀音吧!阿姐們都很散漫,菜足足在15分鐘催了3次才有,明明她們都在晃來晃去!叉燒腸粉做得皮薄而有咬口, 叉燒切得夠碎,加上甜醬油做得比不少酒樓更佳!流沙包的確是流的,面的皮做得很薄,不過底的皮就過厚了!不過其實又做得不錯的,如果流沙中有多一點蛋黃碎就好了!流心程度是令人滿意的香軟流沙包!蝦餃小巧精緻,而蝦餃皮也做得很薄,可惜吃旳蝦餃皮的底爛開了一點點,是有點美中不足,當中的餡也做得不錯,蝦肉也夠咬口,是不俗的!煎茄子最後才上桌,一客4件各加上了鯪魚肉,煎得外皮很香脆,醬油也是上桌後才淋上,所以可以保持香脆,也做得不俗!整體上點心做得也不錯,價錢都是每款十元八塊很相宜,最後我們2個人都是吃了$72吧!不過服務就一般,而門面做的清潔也不夠乾淨,所以水準只是中等,好懷念點心居(已結業)的出品,那裡的點心好吃又夠清潔

我係海鮮達人咁梗係中意食蝦仲要周圍食,東哥點心都幾好,夠味又夠熱又夠份量.蝦餃皮不un,有時爛但都ok,蝦肉夠大size又好爽,真係百食不討厭,食多幾籠都得呀.除左蝦餃,其實籠仔蒸飯都好好,有時東哥會特別整d好野我地食,蝦飯大家食過未?不過有時有d貴.

朋友近期愛吃點心,所以一起去間未嚐過的點心店。原來店內地方也不少,七點鐘未夠,坐了半場客,八點鐘,已坐滿。籠仔飯似乎是此店的「招牌」食品。所以點了一客籠仔北菇雞飯$29。飯粒濕潤不爽身,雞件也不多。勝在豉油和蔥粒多,熱烘烘的吃下,感覺溫暖。籠仔蒸青口$18,粉絲和蒜蓉也沒下油,蒸出來暗啞無光,但青口不韌,不失是清淡之選。布拉滑腸粉$15,胖DuDu的腸粉,不滑,但超軟腍腍。奇怪的是,店員會問你,要不要辣椒醬?而不是甜醬囉。滋潤紅棗糕$14,唔好食!無紅棗味,橡筋咁,好假。鮮竹牛肉球$12,粉紅色咁既??當今的牛肉球,沒一沒下疏打粉。只是份量輕重之別。這裡的,還可接受。味道沒驚喜。茗茶@$3,沒加一服務費。兩個人,叫了不少東西,每人也不用$50,卻吃得飽飽的!

過咗午飯時間嚟到..仲要排隊等位..果然好受街坊歡迎..等咗20分鐘左右..有位!先講呢度嘅主角"籠仔蒸飯"..有好多選擇嘅..鳳爪排骨/海蝦/肉餅..等等..我今日撰咗海蝦籠仔蒸飯..原來個籠仔一D都唔"仔"..個籠有小籠飽(唔係4隻細籠, 係8隻大籠)嗰D籠咁大嘅..海蝦不錯..份量少D..但蝦肉都幾爽..飯..係我喜愛嘅粒粒飯..唔會一patpat..加上甜豉油..整體不俗..因為份量大(好多飯)..我見好多單身男士叫一個籠仔飯食就夠啦!另外叫咗 :好食-->鳳爪..D醬唔會一patpat咁黐係隻鳳爪度..夠爽夠入味..一般-->蝦餃/燒賣 差-->魚肉釀茄子..除咗咬落去好多油之外..片魚肉係咬唔開嘅..咁多樣嘢..埋單$108..抵!!!!!!

東哥籠仔蒸飯專門店係一間點心專門店,現時o係荃灣及長沙灣設有分店,荃灣分店位於沙咀道寶石樓附近,開左大約一年半早前o係網站用每張$17 價錢買左兩張點心餐 coupon,每張 coupon 可以換到一款點心及一款腸粉 (原價$35),可能午餐時段係繁忙時間,呢個優惠只適用於 7am–11am 及 2pm-8pm 兩個時段記得呢個團購優惠開售初期,有部份先頭部隊要等一個半小時先有得食點心,曾經引起好多人激烈討論,令人想起輝香園超賣事件,好多人問網站點解商戶做唔切生意都仲繼續賣 coupon其實我地黎享用團購優惠前都想睇下其他人對呢個點心餐o既用餐經驗,不過唔知點解賣多過三千張 coupon,差不多兩個半月都冇人寫食評,唔通係唔係$17點心餐太普通冇人講呢?我地當晚大約 7pm 去到荃灣分店,當時店內唔算多人,大家坐得比較鬆動,店員問我地飲乜野茶,之後就拎埋個膠碗俾我地洗o的餐具市面上好多點心專門店,客人都要叫店員加茶,同埋冇得洗杯洗筷子,不過東哥o既做法比較似一般茶樓,大家歡喜可以洗杯,每枱食客都會有一個茶壺我地選左普洱茶,茶葉落得夠多,沖出黎o既茶夠濃,好多人都怕左飲濃茶,去茶樓飲茶要