金公館 (彩明商場) (已搬遷) 新店位置

今天到了調景嶺的運動場緩跑後，再到隔離圖書館看看，充實一天，不經不覺到傍晚的晚飯時間，約家人在附近商場的「金公館」晚膳，食店門店有個京劇造型貼紙，一看也大概知道食京川菜吧，令我即時想起北京填鴨，心中想起好耐未食了。食店的枱與枱之間放了直額作間隔，無形中變成了自己的空間，感覺安全衛生。而每張枱也有食客，似乎食肆的生意回復起來。三款醬料我都鍾意！饃饃皮之間有紙分間，避免黐埋一齊，細心！烤北京片皮鴨叫了的半隻份量也可包到八九件，片皮鴨的溫度令放在口中咬出的肉汁更正，片皮鴨烤得香口。再加上青瓜、京葱、醬料，口感難忘。雪菜鴨絲炆年糕食片皮鴨可加$78選了「雪菜鴨絲炆年糕」，以往食雪菜肉絲通常配湯米，今次則用炆年糕作配搭，年糕煙煙韌韌夠彈牙，醬汁包住每粒年糕令本身冇味的年糕更惹味，與湯米相比是各具特色。竹笙鼎湖上素平時食肉都會叫碟清菜但略嫌寡，所以叫了這碟菜，有菜有菰有竹笙，夠清新又比清炒菜多份滋味，不錯。雖然過了一日，心中仍回味片皮鴨，下次定必再嚐。