影片
更多
2014-07-17
4374 浏览
識食一定食法國菜~俾得千幾蚊一個頭，就當然叫8道菜既dinner tasting menu ($1588).前菜既小食同番茄凍湯好醒胃，令人成個醒曬，既好想再encore，又好期待主菜。1. 鴨肝冷熱兩食一向唔食鴨肝，諗住食唔到俾朋友食，肥死佢！不過，意外地竟然「清碟」，鴨肝凍批好清新，一啲都無我怕既內臟味，好啱我呢種「foie gras新手」，而熱食既香煎鴨肝就香啲，但一啲都唔油膩，無諗到自己終於可以享受foie gras！2. 鮮蟹肉清湯啫喱呢道菜好啱炎炎夏日食，別出心裁地將番茄清湯雪到啫喱咁，仲要啖啖蟹肉，呢道菜好驚喜，讚！3. 酥皮小龍蝦個酥皮簡直係無得輸！好鬆化兼一啲都唔油，而小龍蝦加埋海鮮煮成既濃汁極香，一上碟就已經流口水，好想食！4. 魚法國餐硬係有舊魚既，但我本身唔特別愛食魚，無特別，不過肉質係新鮮的~5. 烤沙朗鴨皮肉均稱，無多餘脂肪油分，鴨味濃而不麤，肉質嫩且有肉汁，不錯。6. 精選芝士食到一啲平時自己唔會買既軟芝士同blue cheese，整體味道較濃，最鍾意第一款較淡味的硬身芝士(但都唔淡，都好香濃)，當體驗下法國人的芝士文化。7. 焦糖朱古力，黑加侖子雪葩雪葩
俾得千幾蚊一個頭，就當然叫8道菜既dinner tasting menu ($1588).
前菜既小食同番茄凍湯好醒胃，令人成個醒曬，既好想再encore，又好期待主菜。
1. 鴨肝冷熱兩食
一向唔食鴨肝，諗住食唔到俾朋友食，肥死佢！不過，意外地竟然「清碟」，鴨肝凍批好清新，一啲都無我怕既內臟味，好啱我呢種「foie gras新手」，而熱食既香煎鴨肝就香啲，但一啲都唔油膩，無諗到自己終於可以享受foie gras！
2. 鮮蟹肉清湯啫喱
呢道菜好啱炎炎夏日食，別出心裁地將番茄清湯雪到啫喱咁，仲要啖啖蟹肉，呢道菜好驚喜，讚！
3. 酥皮小龍蝦
個酥皮簡直係無得輸！好鬆化兼一啲都唔油，而小龍蝦加埋海鮮煮成既濃汁極香，一上碟就已經流口水，好想食！
4. 魚
法國餐硬係有舊魚既，但我本身唔特別愛食魚，無特別，不過肉質係新鮮的~
5. 烤沙朗鴨
皮肉均稱，無多餘脂肪油分，鴨味濃而不麤，肉質嫩且有肉汁，不錯。
6. 精選芝士
食到一啲平時自己唔會買既軟芝士同blue cheese，整體味道較濃，最鍾意第一款較淡味的硬身芝士(但都唔淡，都好香濃)，當體驗下法國人的芝士文化。
7. 焦糖朱古力，黑加侖子雪葩
雪葩好味，好fresh，但我會想再挺身少少。
8. 橙香干邑梳乎厘
我諗呢個係梳乎厘fans都會好愛，而且分量好足，味道當然係好好，為呢餐法國餐畫上完美句號。
好建議食cheese同甜品時叫杯moscato，有甜酒佐食，更高享受！
至於環境，雖然唔係酒店的金碧輝煌，但卻係好別緻的精雕細啄，有種矜貴的感覺。
服務方面，waiter好用心講解每一道菜，令人好有興趣了解更多，而menu有中英法文，唔駛驚睇唔明唔識點菜。
张贴
