影片
更多
2021-01-30
247 浏览
「瘋狂小面」喺中環士丹利街66-72號佳德商業大廈1樓。喺香港站IFC出口出，經行人天橋行到100QRC對面嘅佳德商業大廈上一層就係。雖然唔係地舖，但值得去！餐廳佈置充滿中國風，古色古香，我好鍾意呀～😍同朋友各嗌左一個A+B+C+D 套餐($98)，包「麵」、「飲品」、「小食」同埋「甜品」，呢個Full Set套餐有咁多野食，一百蚊都唔使！「瘋狂燒白面」係廚師推介，重要限量15份！見「瘋狂燒白面」個名好特別，問店員先知原來係五花腩。我好幸運可以做15個其中一個！五花腩半肥瘦，加左d梅菜，好似食緊梅菜扣肉。湯底有紅湯同白湯揀。店員話紅湯即係辣湯。揀完湯底重可以揀辣度同麻度。我鍾意麻多過辣就揀左BB麻。湯底果然如我所望，唔會辣只有麻，我重唔覺意咬到湯入面嘅花椒粒😍。加上大量蔥花，食落好香又開胃～麵嘅質地軟硬適中而且份量超多！一個人食曬成碗勁飽，食係超抵食！😍「滷水拼盤」($72)係廚師推介，梗係要試下啦！一次過可以食盡多款肉😍，包括牛𦟌、牛舌、牛肚同埋豬肚，啱曬三心兩意嘅我呀！中間擺左一小碟調味粉，食落又辣又鹹，夠惹味😋涼拌木耳落左白醋、加上紅綠辣椒同蒜片，食落又酸又辣又麻。泡椒鳳爪軟骨食
餐廳佈置充滿中國風，古色古香，我好鍾意呀～😍
同朋友各嗌左一個A+B+C+D 套餐($98)，包「麵」、「飲品」、「小食」同埋「甜品」，呢個Full Set套餐有咁多野食，一百蚊都唔使！
「瘋狂燒白面」係廚師推介，重要限量15份！見「瘋狂燒白面」個名好特別，問店員先知原來係五花腩。我好幸運可以做15個其中一個！五花腩半肥瘦，加左d梅菜，好似食緊梅菜扣肉。湯底有紅湯同白湯揀。店員話紅湯即係辣湯。揀完湯底重可以揀辣度同麻度。我鍾意麻多過辣就揀左BB麻。湯底果然如我所望，唔會辣只有麻，我重唔覺意咬到湯入面嘅花椒粒😍。加上大量蔥花，食落好香又開胃～麵嘅質地軟硬適中而且份量超多！一個人食曬成碗勁飽，食係超抵食！😍
「滷水拼盤」($72)係廚師推介，梗係要試下啦！一次過可以食盡多款肉😍，包括牛𦟌、牛舌、牛肚同埋豬肚，啱曬三心兩意嘅我呀！中間擺左一小碟調味粉，食落又辣又鹹，夠惹味😋
涼拌木耳落左白醋、加上紅綠辣椒同蒜片，食落又酸又辣又麻。
泡椒鳳爪軟骨食落脆而有口感，泡椒辣中帶酸，雖然好辣，但酸酸地令我越食越開胃，流曬口水🤤。
辣得滯可以飲杯烏梅汁(常溫)或者羅漢果冬瓜茶(熱)，兩者分別酸同甜。
不過我飲完烏梅汁重覺得好辣🥵。食埋個「成都老冰粉」解下辣先。
冰涼嘅冰粉微甜，加上青提、芝麻、山渣粒、花生同埋類似酒釀丸子嘅東西，食落口感更豐富！食完冰粉總算解到辣啦～🥰
张贴
