月磯刺身．浜燒日本料理 (已結業)

最近發現銅鑼灣去開修甲嗰楝大廈開咗間新嘢，見門口張相好似幾似樣咪搵晚上去試下，上下兩層都係吧枱，一層主理壽司剌身，裝飾頗寧靜淸雅，下層則主打日式燒海鮮，氣氛截然不同，黑色佈置特出咗吧枱前放滿的海鮮及蔬菜；侍應姐姐帶我們參觀完畢後，老公選擇坐下層，因為可以手指指點菜喎！求其問下師傅有咩好食，師傅話今日有聖子，龍蝦最新鮮，於是都點了，再加少許剌身壽司同燒蔬菜。正擔心唔夠食，點知經理話新開張送多個湯同前菜三點，哈！剛剛好！說真沒有太大期望，因坐位都是空空的，不過郤出奇的好！前菜賣相吸引有特色，燒龍蝦好正，師傅話將蝦頭的膏加上牛油煮成醬汁放回龍蝦肉上，野味又爽甜。聖子剛剛熟，沒太多調味，鮮甜！(掛住食唔嘅記得影相..失策!!)壽司最有驚喜(失策AGAIN!!)，雖然我忘記了食咗乜，淨係記得好特別，好似冇喺其他地方食過，好味同有啲細件，不過當晚也太飽了，所以又啱啱好。