NON KITCHEN

营业中

休息中

夾唔中收工都會約朋友嚟呢間餐廳度食飯，睇IG意外發現原來已經開左五年，仲有慶祝五週年既$1海鮮既推廣，當然趁機嚟食下大餐。白酒煮蜆$1就可以試到原價$128既辣茄汁煮青口或者白酒煮蜆，抵食到不得了！個汁調得好濃郁，連埋蜆肉一齊食，真係鮮味十足。前菜餅乾條幾香脆。特別鐘意呢個自家制麵包，咬落鬆軟，塗少少黑松露牛油，令味道更加有層次。南瓜湯南瓜湯味道微甜香濃，份量適中。凱撒沙律將沙律同醬汁預先撈勻再上碟，考慮埋呢點，都幾細心。黑松露野菌意式燴飯香菇切得好夠細粒，幾鐘意意大利飯既口感偏腍，拌埋香濃既黑松露醬汁，整得好出色。日本鹿兒島黑豚肉扒炭燒既黑豚肉扒外面呈深色一格格網狀，炭燒既香味伴隨啖啖豚肉，口感偏紮實。而焗薯細細個咁，入口好軟綿。白朱古力泡芙外面係白朱古力，切開中間係朱古力雪糕，雪糕質地偏硬，一齊食味道甜而不膩，係一道會令人好滿足既甜品。