基地 (已結業)

好耐無出街食飯，友人話呢間餐廳性價比幾好，價錢唔貴，但係食物份量充足，所以來試下。先坐低，同友人點左兩杯野飲，一杯係 Red Lips，另一杯係 refresher。Refresher 係好好 refreshing，甜甜地酸酸地，有柚子，fruit punch 係底，又有薄荷，好鍾意，飲完想飲多杯。Red Lips 比較適合女仔飲，cranberry juice，有驚喜! 加 d 蛋白搞到起泡，真係幾好飲。野飲 presentation 又好，覺得大家都可以來試下。個頭盤係煙薰油甘魚，上面都係有 d 柚子汁，夠 refreshing，同好開胃，食完一舊想食多舊既感覺。個意粉係蟹肉，三文魚子扁意粉海鮮忌廉汁。係疫情既底下，係出面食到新鮮既海鮮真係唔容易呀！賣相吸引！ 海膽 ok，蟹肉都叫新鮮，仲有 d 芝士粉係上面，忌廉汁吾濃， 好滑呀 好味！因為我唔鍾意黑松露太濃烈既味道，餐廳好好，換左個鵝肝俾我，變左鵝肝漢堡包。包皮脆脆，牛肉 ok，薯條好新鮮，仲加左少少辣粉。間餐廳好多打卡位，裝修好有心思！整體來講，野飲同頭盤好好，意粉同 burger 就 standard，但性價比高！