正九清湯腩 (群星大廈)

营业中

休息中

最近食藥真係食到個人瘟瘟鄧鄧冇乜胃口，今日過嚟觀塘交收完，順便食個清淡嘅午餐。餐廳主打清湯腩，可惜我呢排吾食得牛，只好忍口😖。🍜魚蛋米線$38+$8拼墨魚丸+$8蘿白🍜米線份量唔算多，入口軟滑，魚蛋同墨魚丸份量都好足而且好彈牙！蘿白大大舊煮到好淋。湯底方面望落去好清，以為冇乜味道，其實充滿鮮甜味。再叫左碟🥬菜心$19，菜心烚到脆卜卜，好鮮嫩。熱檸水套餐+$8餐廳午餐時間人流都幾多，不斷好多人出出入入，見到多張枱都係叫清湯腩或者崩沙腩，到後尾直頭崩沙腩賣晒。證明崩紗腩好受街坊歡迎👏🏻。