影片
更多
2025-02-20
824 浏览
這間餐廳嘅食物質素真係高，每一道菜都睇得出廚師嘅用心同埋創意，無論係食材嘅選擇、烹調嘅技巧，定係擺盤嘅心思，都做得好出色，而且餐廳嘅環境都好舒服，服務都好周到，仲有令人高興嘅任飲飲品，有西柚特調、玫瑰荔枝特調、檸檬特調、香橙綠茶、炭燒烏龍茶，真係令人食得同飲得開心。🥢鹹蛋黄黃金炸雞（4件）：小食嘅鹹蛋黄黃金炸雞（4件）最先出場，炸雞炸到金黃香脆，外皮裹滿晒鹹蛋黃，一睇一聞就知好惹味，咬落口去，卜卜脆嘅外皮，加上嫩滑juicy嘅雞肉，簡直係雙重享受，鹹蛋黃嘅鹹香，同炸雞嘅油香，喺口入面完美融合，味道濃郁，令人一食就停唔到口。🥢芝士青醬大啡菇 (2件）：芝士青醬大啡菇買相好靚，呢個配搭都幾有新意，大啡菇烤到軟稔多汁，上面鋪滿晒香濃嘅芝士同埋青醬，味道好夾，芝士嘅鹹香，青醬嘅清新，同埋大啡菇嘅鮮味，營造出豐富嘅味覺層次，而且大啡菇嘅size都好大，食完都幾飽肚。🥢香煎白酒忌廉汁挪威三文魚配煙燻薯蓉：主菜嘅香煎白酒忌廉汁挪威三文魚配煙燻薯蓉上枱一睇個樣已經流晒口水，三文魚煎到啱啱好，外皮金黃香脆，入面嘅魚肉仲保持住嫩滑多汁嘅口感，加上回香頭蔥、蘆筍、車厘茄好配合一齊食，而最正嘅係白酒忌廉汁，味
🥢鹹蛋黄黃金炸雞（4件）：
小食嘅鹹蛋黄黃金炸雞（4件）最先出場，炸雞炸到金黃香脆，外皮裹滿晒鹹蛋黃，一睇一聞就知好惹味，咬落口去，卜卜脆嘅外皮，加上嫩滑juicy嘅雞肉，簡直係雙重享受，鹹蛋黃嘅鹹香，同炸雞嘅油香，喺口入面完美融合，味道濃郁，令人一食就停唔到口。
🥢芝士青醬大啡菇 (2件）：
芝士青醬大啡菇買相好靚，呢個配搭都幾有新意，大啡菇烤到軟稔多汁，上面鋪滿晒香濃嘅芝士同埋青醬，味道好夾，芝士嘅鹹香，青醬嘅清新，同埋大啡菇嘅鮮味，營造出豐富嘅味覺層次，而且大啡菇嘅size都好大，食完都幾飽肚。
🥢香煎白酒忌廉汁挪威三文魚配煙燻薯蓉：
主菜嘅香煎白酒忌廉汁挪威三文魚配煙燻薯蓉上枱一睇個樣已經流晒口水，三文魚煎到啱啱好，外皮金黃香脆，入面嘅魚肉仲保持住嫩滑多汁嘅口感，加上回香頭蔥、蘆筍、車厘茄好配合一齊食，而最正嘅係白酒忌廉汁，味道香濃creamy，帶有淡淡嘅白酒香氣，同三文魚嘅鮮味簡直係perfect match，至於個煙燻薯蓉，都好有驚喜，薯蓉打得夠晒細滑，入口即溶，仲帶有陣陣嘅煙燻味，真係令人回味無窮。
🥢大蝦黑松露忌廉蘑菇意粉：
大蝦黑松露忌廉蘑菇意粉一上枱就聞到陣陣嘅黑松露香味，真係令人食指大動，意粉煮到爽滑，令口感彈牙有嚼勁，忌廉汁夠晒creamy，每一條意粉都沾滿晒香濃嘅醬汁，大蝦都好新鮮彈牙，而且仲好大隻添， 至於蘑菇味道鮮甜，口感爽脆，同黑松露嘅香味好夾，整個意粉嘅味道搭配得好好，每一啖都令人食得開心。
🥢焦糖巴斯克芝士蛋糕：
最後，當然唔少得甜品啦，我哋揀咗焦糖巴斯克芝士蛋糕，蛋糕嘅表面烤到焦糖色，帶有少少焦香味，入面嘅質地就creamy到好似食緊雪糕咁，入口即溶，芝士味好濃郁，加上焦糖嘅香味，成個蛋糕嘅味道更加豐富有層次，真係令人一試難忘。
张贴
