影片
更多
2017-11-24
3274 浏览
廚師發辦係來自日本，由廚師在食客面前一邊製作當日新鮮食材，一邊同食客交流、分享同介紹食物，係日本菜之中最好嘅食法。係香港食一餐廚師發辦動輒都要過千元，之前睇介紹見到觀塘有一間日式小店除左提供普通日本料理及鐵板燒之外，仲有提供廚師發辦，而且最平只需$580就可以享受一晚由廚師發辦嘅日本菜，非常吸引。 我地約好之後，上星期已經訂定位今晚黎食，未放工心情已經好興奮好期待。菊月町係觀塘工廠區入面，門面唔係好顯眼而且裝修都係簡簡單單，單憑外表好難想像呢度原來可以食到咁高級嘅優質食材。我地訂枱時已經預定係廚師發辦，所以冇乜仔細留意個餐牌，不過都見到有壽司同刺身點，而且價錢都幾平。食完前菜之後廚師就端上鮟鱇魚肝俾我地品嚐，鮟鱇魚肝味道超濃郁，鮟鱇魚嘅肝油感重，非常美味，食完呢個鮟鱇魚肝令我對今晚嘅其他菜色更加期待。前菜鮟鱇魚肝上刺身之前廚師先係我地面前放一塊岩鹽板，之後每一道剌身都是放在此板上，係岩鹽板上夾的刺身已經略帶咸味，不需要再點醬油。目仁奈係第一道上嘅刺身，而且我都係第一次食，味道鮮甜，口感爽脆，每人食完4件都仲想再添。目張廚師先用火輕燒，魚嘅香味更出，魚味都好濃郁。 深海池魚比平時食到嘅海
菊月町係觀塘工廠區入面，門面唔係好顯眼而且裝修都係簡簡單單，單憑外表好難想像呢度原來可以食到咁高級嘅優質食材。我地訂枱時已經預定係廚師發辦，所以冇乜仔細留意個餐牌，不過都見到有壽司同刺身點，而且價錢都幾平。
食完前菜之後廚師就端上鮟鱇魚肝俾我地品嚐，鮟鱇魚肝味道超濃郁，鮟鱇魚嘅肝油感重，非常美味，食完呢個鮟鱇魚肝令我對今晚嘅其他菜色更加期待。
前菜
鮟鱇魚肝
上刺身之前廚師先係我地面前放一塊岩鹽板，之後每一道剌身都是放在此板上，係岩鹽板上夾的刺身已經略帶咸味，不需要再點醬油。
目仁奈係第一道上嘅刺身，而且我都係第一次食，味道鮮甜，口感爽脆，每人食完4件都仲想再添。
目張廚師先用火輕燒，魚嘅香味更出，魚味都好濃郁。
深海池魚比平時食到嘅海池魚更軟腍而且魚鮮味重好多，而且廚師將 深海池魚以厚件上，口感更豐富。
可能因為係季節魚 ，秋刀魚刺身係咁多款刺身當中最鮮甜的，因為秋刀魚魚骨比較多，廚師要先細心把所有魚魚骨挑起但賣相仍要保持得好好，相當考功夫。
雖然油脂唔多，不過呢件吞拿魚赤身都好好食，入口軟腍，吞左之後吞拿魚嘅香氣仲留左係口腔。
除左剌身之外，廚師今日仲安排左以柚子汁調味嘅生蠔，生蠔好肥美，同柚子味意想不到咁配，最正係食完一隻仲有得Encore多隻。
生蠔
食完刺身同生蠔之後，廚師安排左一份漬物俾我地食，預備下一部份。
黃蘿蔔
薄燒和牛用鐵板燒香，約5成熟，和牛鮮嫩多汁，中間更有日本香蔥提鮮，非常惹味。
汁煮鰤魚胶唔係普通浸滿汁嘅汁煮魚胶，呢個鰤魚胶非常入味，汁嘅味道似關東煮嘅醬汁，魚肉好鮮嫩而且好少骨，啖啖肉。
最後一部份係壽司，質素都相當高，當中我最喜歡吞拿魚腩壽司 ，油脂豐富，有入口溶化嘅感覺。最後食埋個生果，今晚呢餐非常完滿。
赤貝壽司 及 鰤魚壽司
吞拿魚腩壽司
水果
张贴
