古今二 (觀塘工業中心)

营业中

休息中

今日同朋友去觀塘食嘢,去咗工廠大廈搵食, 間餐廳位於工廠大廈嘅二樓, 唔係熟客都好難知有間餐廳喺度。餐廳門外佈置充滿古代日式風調, 猶如穿越返古代一樣。今次我哋叫咗兩客壽司, 分別係金龍捲同富士山, 睇返餐牌先知道原來呢兩款壽司係得獎菜式。金龍卷嘅主要食材係三文魚、炸蝦、芝士組成, 三文魚都算幾大塊,而且色澤亦都相當鮮豔, 呢個壽司擺設充滿藝術感, 如一條金色巨龍在餐桌上行走, 栩栩如生。富士山壽司模仿日本著名地標富士山火山爆發時嘅景象型真係似個山丘咁,有牛油果、蟹柳、鰻魚片,上層係鋪滿層蟹柳片，鰻魚牛果做底層，上面有少少鰻魚醬汁做dressing。各種材料都相當新鮮, 尤其一讚既係嗰個蟹柳片嘅擺設, 相當有心思!接著我哋叫咗一款沙律, 日式麻醬秋葵豆腐沙律, 呢款沙律相當健康, 有各種各樣嘅蔬菜, 例如豆腐同秋葵, 呢款豆腐係以凍食為主, 各種配料配搭得天衣無縫, 值得一讚。跟住我哋叫咗個野菜鍋, 材料同份量多得驚人, 有冬菇、金菇、娃娃菜、 蟹柳, 分量多到竟然食唔曬!最後我哋點咗兩度小食秘製蒜香牛油燒帆立貝 同自家製香菇雞肉丸串燒, 帆立貝相當鮮味可口, 雞肉丸用料十足大粒。