影片
更多
2025-07-30
130 浏览
香港人真係好鍾意食日本料理，我都唔例外，每次去日本都會食壽喜燒，今次去咗觀塘駱駝漆「喰楽 」食關西風壽喜燒，食物質素同價錢拍得住喺日本食，份量仲要比想像中多😳🐮A1 日本霜降和牛壽喜燒套餐 $238🐮附前菜，野菜拼盤🥬日本蛋🥚珍珠飯🍚關西壽喜燒即係以半煎煮方式，先加入和牛再落醬汁，店員會先幫忙煮第一輪，第二輪自己可以試吓親自煮。和牛有大理石花紋，脂肪分布平均，每位有四大片和牛。先將和牛輕輕煎，再加入特調壽喜燒醬汁，沾上日本蛋，和牛肉質軟嫩，油脂感十足，幸福感爆棚！🔥呢個份量，真係好抵食，仲抵過自己喺日式超市買🥹除咗和牛仲有野菜拼盤，有蓮藕、鮮菇、芋絲等，吸收埋壽喜燒醬汁，都好惹味。套餐仲有精緻前菜，包括蟹肉茶碗蒸同汁煮和牛大根，用另一個方式享受和牛，大根鮮甜清爽！餐廳環境雖然唔係正宗日式設計，但簡單乾淨企理，以價錢取勝，食物質素完全唔會輸比高級餐廳，CP值超高！💯
🐮A1 日本霜降和牛壽喜燒套餐 $238🐮
附前菜，野菜拼盤🥬日本蛋🥚珍珠飯🍚
關西壽喜燒即係以半煎煮方式，先加入和牛再落醬汁，店員會先幫忙煮第一輪，第二輪自己可以試吓親自煮。
和牛有大理石花紋，脂肪分布平均，每位有四大片和牛。先將和牛輕輕煎，再加入特調壽喜燒醬汁，沾上日本蛋，和牛肉質軟嫩，油脂感十足，幸福感爆棚！🔥
呢個份量，真係好抵食，仲抵過自己喺日式超市買🥹除咗和牛仲有野菜拼盤，有蓮藕、鮮菇、芋絲等，吸收埋壽喜燒醬汁，都好惹味。
套餐仲有精緻前菜，包括蟹肉茶碗蒸同汁煮和牛大根，用另一個方式享受和牛，大根鮮甜清爽！
餐廳環境雖然唔係正宗日式設計，但簡單乾淨企理，以價錢取勝，食物質素完全唔會輸比高級餐廳，CP值超高！💯
张贴
